Yemen War Plan Leak ટ્રમ્પ સરકારની સુરક્ષા નીતિ પર સવાલો: યુદ્ધની યોજના ખાનગી ચેટમાં લીક થવાથી ઉથલપાથલ
Yemen War Plan Leak યમનમાં હુથી લડવૈયાઓ પર હુમલા પહેલા અમેરિકાની ગોપનીય યુદ્ધ યોજના એક ખાનગી ચેટમાં શેર થવાને કારણે ટ્રમ્પ સરકારની સુરક્ષા નીતિઓ ફરીથી ચર્ચાના કેન્દ્રમાં આવી છે. 15 માર્ચના રોજ આ હુમલા પહેલા યુએસ સંરક્ષણ સચિવ પીટ હેગસેથે ખાનગી મેસેજિંગ એપ ‘સિગ્નલ’ના ગ્રુપ ચેટમાં આ હુમલાની વિગતો શેર કરી હતી. આ ચેટમાં તેમની પત્ની, ભાઈ અને અંગત વકીલ જેવા નજીકના લોકો સામેલ હતા.
આ ઘટના ટ્રમ્પ વહીવટીતંત્રની અંદર ગોપનીય માહિતીના સંભાળ પર ગંભીર સવાલ ઉભા કરે છે. સિગ્નલ એક એન્ક્રિપ્ટેડ મેસેજિંગ એપ છે, પણ તે કોઇ સત્તાવાર અથવા સુરક્ષિત સરકારી પ્લેટફોર્મ નથી. અમેરિકાની રાષ્ટ્રીય સુરક્ષા માટે અતિસંવેદનશીલ માહિતી આમ ખાનગી ચેટમાં શેર થવી જવાબદારીના ઉલટ સંકેત આપે છે.
આ પ્રસંગે એક નવો મુદ્દો એ પણ ચર્ચામાં આવ્યો છે કે એવા લોકો જેમણે કોઇ સુરક્ષા ક્લિયરન્સ પણ નથી મેળવ્યું, તેઓ સુધી આવી માહિતી કેવી રીતે પહોંચી? પીટ હેગસેથે પોતાની પત્ની અને ભાઈ સાથે પણ યુદ્ધ યોજના શેર કરી, જે સંપૂર્ણપણે અસ્વીકાર્ય ગણાય. શું આટલું બધું ‘વિશ્વાસ’ના આધાર પર યોગ્ય છે, જ્યારે દેશની સુરક્ષાનું પ્રશ્ન હોય?
ટ્રમ્પ સરકારની સુરક્ષા
આવો કંઈ પહેલી વાર નથી થયું. અગાઉ પણ ટ્રમ્પ વહીવટીતંત્રના લોકો પર એવું આરોપ લાગ્યું હતું કે તેઓ પત્રકારો અથવા નજીકના લોકો સાથે ગુપ્ત માહિતી વહેંચતા હતા. એ સમયે પણ વાઇટ હાઉસે તેની ગંભીરતા ન માન્ય તેવી સ્થિતિ સર્જી હતી
.
આ ઘટનાએ માત્ર અમેરિકાની આંતરિક સુરક્ષા નીતિ કરી નથી, પરંતુ વૈશ્વિક સ્તરે પણ દેશની વિશ્વસનીયતાને પડકારમાં મૂકી છે. જ્યારે એક મોટું હુમલાનું આયોજન ચાલી રહ્યું હોય, ત્યારે તેમનાં અધિકારીઓએ સામાન્ય ચેટ એપ્લિકેશન પર એવું કંઈક શેર કરવું ચિંતાજનક છે. હવે જોવું રહ્યું કે આ મામલામાં કોઈ કાર્યવાહી થાય છે કે નહીં.
