Woman Helps Late Boyfriends Family: સાચા પ્રેમનું ઉદાહરણ, પ્રેમીના અવસાન પછી પ્રેમિકા બની પરિવારનો સહારો
Woman Helps Late Boyfriends Family: ચીનમાંથી પ્રેમ અને વફાદારીની એક એવી વાર્તા સામે આવી છે જે મન સ્પર્શી જાય. આવી ઘટનાઓ ખૂબ જ ઓછી વખત જોવા મળે છે અને એવું લાગે કે સાચો પ્રેમ આજના યુગમાં હજી જીવિત છે. આ કથા છે વાંગ ટિંક નામની એક યુવતીની, જેણે પ્રેમના નામે માત્ર લાગણી નહીં, પણ જીવંત ઉદાહરણ પૂરું પાડ્યું.
હુનાન પ્રાંતની 34 વર્ષીય વાંગ ટિંક અને ઝેંગ નામના ઉદ્યોગપતિ વચ્ચે ગંભીર સંબંધ હતો. બંનેના સંબંધો સારા ચાલી રહ્યાં હતા ત્યારે 2016માં ઝેંગનું અવસાન થઈ જાય છે. મૃત્યુના સમયે ઝેંગ મોટું દેવું છોડીને ગયો હતો – અંદાજે 70 લાખ રૂપિયાનું – જે તેણે પોતાના બિઝનેસ માટે મિત્રો પાસેથી લીધું હતું. સામાન્ય રીતે આવી પરિસ્થિતિમાં લોકો પોતાનો સંબંધ તોડી નાખે, પણ વાંગે એવો માર્ગ પસંદ કર્યો જે દુર્લભ ગણાય.
વાંગે માત્ર સંબંધો જ નથી નિભાવ્યા, પણ મરણ પામેલા પ્રેમીની જવાબદારી પણ ઊંચા શિરે પહોંચી હતી. તેણીએ પોતાનું બચતખાતું ખાલી કરી દેવું ચૂકવવાનું શરૂ કર્યું. જ્યાં જરૂર પડી, ત્યાં પોતાની ઓળખ અને વિશ્વાસના આધારે લોકોને સમજાવીને પૈસા ઉછીના લીધા. આ જ નહીં, તેણી ઝેંગના માતાપિતાની સેવા પણ કરવા લાગી. તેઓ માટે દીકરી નહીં પણ દીકરો બની ગઈ.
વાંગે માત્ર પિતા-માતાનો નહીં, પણ ઝેંગના કાકાના પરિવારને પણ પોતાની હાજરી આપી. ખાસ કરીને એક કાકાના દીકરાની તબીયત બગડતાં તેણે તેમની પણ મદદ કરી. સમય જતાં વાંગે પોતાની આગવી જિંદગી પણ શરૂ કરી. 2020માં જ્યારે તેણી વિવાહ બંધનમાં બંધાઈ, ત્યારે પણ તેણે ઝેંગના પરિવારને સામેલ કર્યા અને તેમના જીવનમાં સ્થાન જાળવી રાખ્યું.
આદર્શ પ્રેમનું આ ઉદાહરણ સોશિયલ મીડિયા પર લોકોના દિલ જીતે છે. વાંગની કરૂણાસભર વાર્તા એ સાબિત કરે છે કે પ્રેમ માત્ર હાજરીમાં જ નહીં, પરંતુ ગેરહાજરીમાં પણ જીવંત રહી શકે છે.
