Pakistan Army Chief: પાકિસ્તાનના આર્મી ચીફ અને પીએમ શહબાઝે જેલમાં બંધ ઇમરાન ખાન પાસેથી માંગી મદદ
Pakistan Army Chief: ભારત સાથે વધતા તણાવની વચ્ચે પાકિસ્તાનની રાજકીય વાસ્તવિકતા મજબૂતીથી બદલાઈ રહી છે. પાકિસ્તાનના વડા પ્રધાન શહબાઝ શરીફ અને આર્મી ચીફ જનરલ અસીમ મુનીરે તાજેતરમાં જ જેલમાં બંધ પૂર્વ વડાપ્રધાન ઇમરાન ખાન પાસે સહાય માંગવાનું ચોંકાવનારો પગલું ભર્યું છે. આ કડમ તણાવભર્યા આંતરિક અને બાહ્ય દબાણને કારણે લેવામાં આવ્યો છે, જે હાલના સત્તાધીશો માટે ગંભીર પડકાર ઉભો કરી રહ્યો છે.
સૂત્રોના મતે, સરકારે ચાર પૂર્વ સૈન્ય અધિકારીઓને ઇમરાન ખાન સાથે સંવાદ માટે મોકલ્યા છે, જેઓ પીટીઆઈ નેતાઓ અને સમર્થકોને અનુરોધ કરી રહ્યા છે કે તે અસીમ મુનીર વિરુદ્ધના પ્રદર્શન રોકે. ખાસ કરીને સિંધ અને લાહોર જેવા વિસ્તારોમાં થયેલા વિરોધોને કારણે સરકાર ચિંતિત બની છે, અને દેશભરમાં અસંતોષ ફાટી ન નીકળે તે માટે પ્રયાસ કરી રહી છે
આ પ્રયાસ પાછળનો ઐતિહાસિક પૃષ્ઠભૂમિ પણ મહત્વપૂર્ણ છે. 2019ના પુલવામા હુમલા પછી, તત્કાલીન પીએમ ઇમરાન ખાને ISI ચીફ તરીકે આસીમ મુનીરને તેમના કાર્યકાળ પૂર્ણ થવા પહેલાં હટાવી દીધા હતા. ત્યારથી બંને વચ્ચે તણાવ વધી ગયો હતો અને કહેવાય છે કે આસીમ મુનીરે ઇમરાનને જેલમાં મૂકાવવાનું વ્યૂહરચનાત્મક નિર્ણય લીધો હતો. હવે એ જ લશ્કરી નેતૃત્વને ઇમરાન પાસે સહાય માંગવાની ફરજ પડી છે.
આ પરિવર્તન એવા સમયે થઈ રહ્યું છે જ્યારે ભારત તરફથી પણ દબાણ વધી રહ્યું છે. પહેલગામ આતંકી હુમલા બાદ ભારતે પાકિસ્તાન સામે કડક પગલાં લીધાં છે અને સિંધુ જળ સંધિ રદ કરવાનો નિર્ણય લીધો છે. પાકિસ્તાનના ઘણાં શહેરોમાં રેડ એલર્ટ અને બંકરોની તૈનાતી શરૂ થઈ ગઈ છે. જનતામાં ભયનો માહોલ છે અને સરકારને આંદોલનો ફાટી નીકળવાની આશંકા સતાવે છે.
આ સંજોગોમાં શહબાઝ અને આસીમ મુનીરનો ઇમરાન ખાન તરફ ઝુકાવ રાજકીય સમીકરણો બદલાઈ રહ્યા છે તે તરફ સ્પષ્ટ સંકેત આપે છે.
