Cash Transaction Charges 1 જૂનથી બદલાશે બેંકિંગ નિયમો, રોકડ વ્યવહાર, એટીએમ અને બેલેન્સ પર લાગશે નવા ચાર્જ
Cash Transaction Charges ફેડરલ બેંકે 1 જૂન, 2025થી સર્વિસ ચાર્જ અને ફીમાં મોટા ફેરફારો કરવાની જાહેરાત કરી છે, જેનાથી ગ્રાહકોના રોજિંદા બેંકિંગ ખર્ચમાં વધારો થશે. આ ફેરફારો રોકડ વ્યવહારો, એટીએમ ઉપયોગ, લઘુત્તમ બેલેન્સ જાળવવા અને ખાતું બંધ કરવા જેવી સેવાઓ પર લાગુ થશે.
રોકડ વ્યવહારો પર મર્યાદા
હવે દર મહિને ફક્ત 5 મફત રોકડ વ્યવહારો (જમા અને ઉપાડ) અથવા કુલ રૂ. 5 લાખ સુધી મફત વ્યવહારો મંજૂર છે. આ મર્યાદા બાદ, દરેક વધારાના રૂ. 1,000 માટે વધારાનો ચાર્જ વસૂલવામાં આવશે.
લઘુત્તમ બેલેન્સ જાળવણી નિયમ
ફેડરલ બેંકના વિવિધ ખાતા સ્કીમો જેમ કે ક્લબ, ડેલાઇટ, એનઆરઆઈ અને નોર્મલ સેવિંગ્સ એકાઉન્ટ માટે ઓછામાં ઓછું ₹5,000નું સરેરાશ લઘુત્તમ બેલેન્સ (AMB) જાળવવું ફરજિયાત રહેશે. જો ગ્રાહક આ બેલેન્સ જાળવી શકતા નથી, તો તેમને નીચે મુજબ ચાર્જ ભરવો પડશે:
- AMBમાં 20% સુધી ઘટાડો: ₹75
- 100% ઘટવાથી: ₹375 સુધી
વરિષ્ઠ નાગરિકો માટે આ ચાર્જ ₹60 થી ₹300 સુધી રહેશે, અને ગ્રામિણ શાખાઓ માટે થોડા ઓછા રહેશે.
એટીએમ વ્યવહાર ચાર્જ
બીજી બેંકના ATMમાંથી રોકડ ઉપાડ કરવા પર ₹23, બેલેન્સ ચેક અને મીની સ્ટેટમેન્ટ માટે ₹12 અને અસફળ ઉપાડ માટે ₹25 ચાર્જ વસૂલાશે.
ચેક રિટર્ન ચાર્જ
ચેક રિટર્ન પર ગ્રામિણ ખાતા અને વરિષ્ઠ નાગરિકો માટે ₹400 અને અન્ય માટે ₹500નો ચાર્જ લાગશે.
ખાતું બંધ કરવાનો ચાર્જ
- 14 દિવસની અંદર: કોઈ ચાર્જ નહીં
- 6 મહિના પહેલા બંધ કરવા પર: ₹100
- 6 થી 12 મહિના વચ્ચે: ₹300
આ નિયમો ગ્રાહકોને ખાતામાં પૂરતું બેલેન્સ જાળવવા અને જરૂર પ્રમાણે વ્યવહારો કરવાની તકેદારી રાખવા પ્રેરે છે.
