Agriculture and Security: કૃષિ અને રાષ્ટ્રીય સુરક્ષા, શિવરાજ સિંહ ચૌહાણે આધુનિક યોજના સાથે આપ્યો સંદેશ
Agriculture and Security: વર્તમાન પરિસ્થિતિને દ્રષ્ટિમાં રાખી, કેન્દ્રીય કૃષિ અને ખેડૂત કલ્યાણ તેમજ ગ્રામીણ વિકાસ મંત્રી શિવરાજ સિંહ ચૌહાણે શુક્રવારે ICAR, કૃષિ મંત્રાલય અને ગ્રામીણ વિકાસ મંત્રાલયના વરિષ્ઠ અધિકારીઓ સાથે સમીક્ષા બેઠક યોજી. બેઠક બાદ મીડિયા સાથે વાત કરતાં ચૌહાણે જણાવ્યું કે દેશ માટે દરેક ભારતીય ત્યાગ કરવા તૈયાર છે. સરહદે સૈનિકો તૈનાત છે અને ખેતરોમાં ખેડૂતો; બંને પોતપોતાના મોરચે સમર્પિત છે.
તેમણે સ્પષ્ટ કર્યું કે કૃષિ અને ગ્રામીણ વિકાસ મંત્રાલય કોઈ કસર રાખશે નહીં અને ખાદ્ય સુરક્ષાની સંપૂર્ણ જવાબદારી નિભાવશે. તેમણે પાક ઉત્પાદન, તેની ઉપલબ્ધતા અને ખરીદીની સ્થિતિ અંગે વિગતો મેળવી અને અધિકારીઓને જરૂરિયાતમંદ ખેડૂતો સુધી સહાય પહોંચાડવા સૂચનાઓ આપી.
આંકડાઓ દર્શાવે છે ભારતમાં ખાદ્ય પૂરવઠો મજબૂત છે
મંત્રીએ જણાવ્યું કે વર્ષ 2024–25માં કુલ ખાદ્યાન્ન ઉત્પાદન 3,474.42 લાખ મેટ્રિક ટન સુધી પહોંચ્યું છે, જે ગયા વર્ષે કરતાં વધુ છે. ચોખા અને ઘઉંના ઉત્પાદનમાં નોંધપાત્ર વધારો થયો છે. બટાકા, ડુંગળી અને ટામેટાં સહિતના બાગાયતી પાકોમાં પણ વધારો જોવા મળ્યો છે.
કૃષિ વૈજ્ઞાનિકોને શુભેચ્છા
શિવરાજ સિંહે કૃષિ વૈજ્ઞાનિકોને અભિનંદન પાઠવતાં જણાવ્યું કે તેમની સંશોધિત જાતો અને ટેક્નોલોજી વધતા તાપમાને સાથ આપીને ઉત્પાદન વધારવામાં મદદરૂપ બની છે.
ખરીદી અને સરકારી તૈયારી
અત્યાર સુધીમાં 539.88 લાખ મેટ્રિક ટન ડાંગર અને 267.02 લાખ મેટ્રિક ટન ઘઉંની ખરીદી થઈ ચૂકી છે. મંત્રીએ ખાતરી આપી કે ચોખા, ઘઉં, કઠોળ અને તેલીબિયાંનો પૂરતો બફર સ્ટોક ઉપલબ્ધ છે. ખરીફ પરિષદમાં ખેતી વધારવા માટે વ્યૂહરચના પણ તૈયાર કરાઈ છે.
વિશેષ સહાય અને તૈયારી માટે સરકાર પ્રતિબદ્ધ
વિશિષ્ટ સ્થિતિમાં ખાલી થતા ગામો માટે સરકાર વાવણી યોજના, બીજ અને જરૂરિયાતમંદ સામગ્રી ઉપલબ્ધ કરાવશે. પંજાબ અને જમ્મુ-કાશ્મીર જેવા રાજ્યમો સાથે સહયોગ પણ સુનિશ્ચિત કરવામાં આવશે.
મંત્રાલયનો રક્તદાન સંકલ્પ
શિવરાજ ચૌહાણે જણાવ્યું કે 14 મેના રોજ કૃષિ મંત્રાલયના અધિકારીઓ અને કર્મચારીઓ રક્તદાન કરશે, જેથી આ મુશ્કેલ સમયમાં દેશની વધુ મદદ કરી શકાય.
તેમણે અંતે કહ્યું કે વડાપ્રધાન નરેન્દ્ર મોદીનાં નેતૃત્વ હેઠળ ભારત દરેક ક્ષેત્રે સજ્જ છે અને કૃષિ તથા ગ્રામીણ વિકાસ વિભાગ પણ દેશસેવામાં સંપૂર્ણ રીતે સમર્પિત છે.
