India-Pakistan Ceasefire યુદ્ધવિરામ પછી પણ પાકિસ્તાન પર ભારતની કડક દ્રષ્ટિ: પ્રતિબંધો યથાવત રહેશે
India-Pakistan Ceasefire ભારત અને પાકિસ્તાન વચ્ચે તાજેતરમાં થયેલા તણાવ બાદ પાકિસ્તાને ભારત સામે શનિવારે (10 મે, 2025) યુદ્ધવિરામની અપીલ કરી, જેને ભારતે શરતી સ્વરૂપે મંજુર કરી છે. જોકે ભારતે સ્પષ્ટ કર્યો છે કે યુદ્ધવિરામ માત્ર લશ્કરી આક્રમણ રોકવા પૂરતું છે, જ્યારે પાકિસ્તાન પર લાદેલા અન્ય તમામ પ્રતિબંધો યથાવત રહેશે.
જમ્મુ-કાશ્મીરમાં થયેલા આતંકવાદી હુમલા પછી ભારતે “ઓપરેશન સિંદૂર” હેઠળ પાકિસ્તાન અને પીઓકેમાં આવેલ 9થી વધુ આતંકી ઠેકાણાઓનો નાશ કર્યો હતો. આક્રોશિત પાકિસ્તાનના જવાબી હુમલાને પણ ભારતે ખમતાં જવાબ આપ્યો. ભારતીય સેનાએ પાકિસ્તાની લશ્કરી માળખાં જેવા કે કમાન્ડ સેન્ટર, શસ્ત્ર ડેપો અને રડાર સાઇટ્સને નિશાન બનાવીને ભારી તબાહી મચાવી હતી.
વિદેશ સચિવ મિસ્ત્રીએ જણાવ્યું કે ભારતે માત્ર ઓળખાયેલા લશ્કરી લક્ષ્યો પર જ ટાર્ગેટેડ અને નિયંત્રિત હુમલા કર્યા, જેમાં ડ્રોન, ફાઇટર જેટ અને ચોકસાઇવાળા મિસાઇલોનો ઉપયોગ કર્યો હતો. આ કાર્યવાહીના કેન્દ્રમાં રફીકી, મુરીદ, ચકલાલા, રહીમ યાર ખાન અને સુક્કર જેવા મહત્વપૂર્ણ પાકિસ્તાની લશ્કરી સ્થળો હતા.
ભારતના પ્રતિબંધોમાં સિંધુ જળ સંધિ, વિઝા નીતી, વેપાર સંબંધ અને નાણાકીય વ્યવહારો શામેલ છે, જે 22 એપ્રિલે કાશ્મીર હુમલા પછી લાગુ પડ્યા હતા. સરકારના મંતવ્યાં અનુસાર, પાકિસ્તાનના આતંકવાદી અભિગમમાં ફેરફાર ન લાવતાં સુધી આ પ્રતિબંધોમાં કોઈ ઢીલ નહીં આવે.
અંતે, યુદ્ધવિરામ તો થયું છે, પણ ભારતે પાકિસ્તાનને સ્પષ્ટ સંદેશો આપ્યો છે — માત્ર શાંતિની વાતો નથી ચાલતી, તે માટે કડક અને જવાબદારીપૂર્ણ કાર્યવાહી જરૂરી છે. ભારત શાંતિચાહક છે, પણ જો કોઈ દેશ આતંકને આશરો આપે, તો તેના સામે ઢીલ આપી શકાતી નથી.
