Rishikesh Patel mother death : મુખ્યમંત્રી ભૂપેન્દ્ર પટેલ અને અન્ય નેતાઓ પણ અંતિમ યાત્રામાં ઉપસ્થિત
Rishikesh Patel mother death : રાજ્યના કેબિનેટ મંત્રી ઋષિકેશ પટેલની માતા, શ્રીમતી કમળાબેન ગણેશભાઈ પટેલનું આજે બપોરે 85 વર્ષની ઉંમરે નિધન થયું. તેમના અંતિમ સંસ્કાર માટે આજે સાંજે વિસનગરના થલોટા રોડ પર આવેલ હરિદ્વાર સોસાયટીમાંથી અંતિમયાત્રા શરૂ થશે અને સિદ્ધપુરના મુક્તિધામ ખાતે અંતિમવિધિ કરવામાં આવશે. આ અંતિમ યાત્રામાં મુખ્યમંત્રી ભૂપેન્દ્ર પટેલ સહિત રાજકીય નેતાઓની હાજરી છે.
કમળાબેનના નાના ભાઈ ભરતભાઇએ જણાવ્યુ કે, કમળાબેનનો જન્મ વડનગર તાલુકાના સૂંઢિયા ગામમાં થયો હતો અને તે પોતાના પરિવારના મોટા ભાઇ બહેનોમાંના એક હતા. તેઓ પોતાના બહેનો ભાઈઓ માટે અત્યંત પ્રેમાળ અને સ્નેહીભર્યા હતા. તેમના ખાસ ધ્યાનનો કેન્દ્ર તેમના પરિવારીજનોની શિક્ષણમાં સફળતા હોતું, જેના કારણે પરિવારના બધા સભ્યોએ ઊંચા પદ પ્રાપ્ત કર્યા.
કમળાબેનના સંતાનોમાં બે દીકરા છે: જીતુભાઈ અને ઋષિકેશ પટેલ. ઋષિકેશ પટેલ હાલ ગુજરાતના કેબિનેટ મંત્રી તેમજ વિસનગરના ધારાસભ્ય તરીકે કાર્યરત છે.
ભરતભાઇએ જણાવ્યું કે, કમળાબેનનું સ્વભાવ ખૂબ જ બોલમંડળ અને સચ્ચાઈ સાથે ભરેલું હતું. તેઓ ક્યારેય કોઈને અસત્ય નહીં બોલતા અને હૃદયથી ખૂબ મૃદુ પ્રકૃતિ ધરાવતા હતા. તેમની સહાનુભૂતિ અને મૃદુતા પરિવાર માટે ગૌરવનું કારણ હતી. સમાજસેવા માટે પણ તેઓ સદાય આગળ રહેતા અને સામાજિક સંસ્થાઓને આર્થિક સહાયતા પૂરી પાડતા. રાજકારણથી તેમનો કોઈ સંબંધ ન હતો અને તેઓ સંપૂર્ણપણે ગૃહિણી હતી.
આપત્તિના સમયે મુખ્યમંત્રી ભૂપેન્દ્ર પટેલ અને મંત્રી જગદીશ વિશ્વકર્મા ઋષિકેશ પટેલના ઘરે આવી શ્રદ્ધાંજલી અર્પણ કરી હતી. મુખ્યમંત્રી શ્રી કમળાબેનને પુષ્પમાળાઓ અર્પણ કરી, ઋષિકેશ પટેલ તથા તેમના પરિવારજનોને દુઃખમાં સાથ આપ્યો હતો.
ભાજપના પ્રદેશ સહપ્રવક્તા જયરાજસિંહ, મહેસાણા જિલ્લા પ્રમુખ ગિરીશભાઈ રાજગોર, ધારાસભ્ય મુકેશભાઈ પટેલ, દૂધસાગર ડેરી ચેરમેન અશોકભાઇ ચૌધરી અને અન્ય સામાજિક તેમજ રાજકીય આગેવાનો પણ ઉપસ્થિત રહ્યા હતા.
અંતિમયાત્રાની તમામ તૈયારીઓ પૂર્ણ કરી લેવામાં આવી છે. વિસનગરના અનેક કાર્યકતાઓ, પરિવારજનો અને સ્થાનિક લોકો અંતિમ દર્શન અને શ્રદ્ધાંજલી આપવા માટે એકઠા થયા છે. અંતિમ યાત્રા વિસનગરથી નીકળીને સિદ્ધપુર મુક્તિધામ સુધી જશે, જ્યાં શ્રીમતી કમળાબેનના અંતિમ સંસ્કાર થશે.
