Appleનો મજબૂત નિર્ણય: ભારત બનશે iPhone ઉત્પાદનનું નવું કેન્દ્ર
iPhone ભારતના માટે ટેક્નોલોજી ક્ષેત્રે વધુ એક સારા સમાચાર છે. iPhone ઉત્પાદક કંપની Apple માટે કામ કરતી તાઇવાની દિગ્ગજ કંપની Foxconnએ ભારતમાં પોતાનું બીજું ઉત્પાદન યુનિટ તૈયાર કરી દીધું છે. કર્નાટકના બેંગલુરુ શહેરમાં સ્થિત આ પ્લાન્ટમાંથી આ વર્ષે જૂન મહિનાથી iPhone નું વ્યાપારી ઉત્પાદન અને શિપમેન્ટ શરૂ થશે.
300 એકરમાં તૈયાર થયો વિશ્વસ્તરીય પ્લાન્ટ
Foxconnનો નવો પ્લાન્ટ બેંગલુરુ નજીક દેવનાહલ્લી ખાતે ઇન્ફર્મેશન ટેકનોલોજી ઇન્વેસ્ટમેન્ટ રિજન (ITIR)માં બનાવાયો છે. 300 એકર વિસ્તારમાં બનેલા આ આધુનિક પ્લાન્ટમાં iPhone મોડેલોનું ઉત્પાદન થશે જે માત્ર દેશ જ નહિ, પરંતુ વિદેશી બજારોમાં પણ નિકાસ કરવામાં આવશે. કર્નાટકના વાણિજ્ય અને ઉદ્યોગ મંત્રી એમ.બી. પાટિલે આ જાણકારી આપી અને જણાવ્યું કે જૂનથી પહેલી શિપમેન્ટ જવાની તયારી છે.
Appleનો ભારત પર વધતો વિશ્વાસ
એમ.બી. પાટિલના જણાવ્યા અનુસાર, Appleના CEO ટિમ કૂકે નિર્ણય કર્યો છે કે આગામી સમયમાં મોટાભાગના iPhones ભારતમાં જ બનાવવામાં આવશે. જે iPhone યુનિટ્સ અમેરિકા સહિત અન્ય દેશોમાં વેચાશે, તેનું ઉત્પાદન પણ હવે ભારતથી થવાનું શરૂ થશે.
Foxconn’s unit at Devanahalli ITIR is nearly ready for launch
Foxconn’s unit at Devanahalli ITIR is nearly ready for launch, with commercial iPhone shipments expected to begin as early as June.
This isn’t just a manufacturing milestone — it marks a strategic shift. With rising… pic.twitter.com/b9ypWQGuUh
— M B Patil (@MBPatil) May 17, 2025
Appleની દ્રષ્ટિએ, ભારતને માત્ર વૈકલ્પિક ઉત્પાદન કેન્દ્ર તરીકે નહિ, પણ એક મુખ્ય હબ તરીકે વિકસાવવાની યોજના છે. આ સાથે દેશમાં રોજગાર, નવી ટેકનોલોજી અને વિદેશી રોકાણ વધશે.
તાજેતરમાં અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે Appleને સલાહ આપી હતી કે તે ભારતને બદલે અમેરિકામાં પ્લાન્ટ સ્થાપિત કરે. જોકે, Appleએ સ્પષ્ટપણે આ સૂચનને નકારી કાઢ્યું છે અને કહ્યું છે કે તે ભારતમાં પોતાનું રોકાણ ચાલુ રાખશે અને તેને વિસ્તૃત કરશે.
Make in India માટે મહત્વપૂર્ણ પગલું
Foxconnના નવા પ્લાન્ટથી ‘Make in India’ અભિયાનને વધુ બળ મળશે. iPhoneના વધતા ઉત્પાદનથી ભારતનો મેન્યુફેક્ચરિંગ સેક્ટર વૈશ્વિક સ્તરે મજબૂત બનશે. આ સાથે કર્નાટક દેશના ટેક્નોલોજી નકશા પર વધુ સ્પષ્ટ રીતે ચમકશે.
