NDPS Cases : એક ગ્રામ પણ નશો નહીં સહે: SMCના પગલાં ગુજરાતને બનાવે છે ડ્રગ-મુક્ત
NDPS Cases : રાજ્યમાં નશાની બદી સામે લડતને વેગ આપતી સ્ટેટ મોનિટરિંગ સેલ (SMC)એ માત્ર 24 કલાકની અંદર વધુ ત્રણ કેસ ઝડપ્યા છે. અમદાવાદના જુહાપુરા, પાટણ અને સુરત શહેરમાં દરોડા પાડી NDPS એક્ટ હેઠળ કેસ નોંધાયા છે. છેલ્લા ચાર મહિનામાં SMCએ કુલ 12 મોટા કેસ ઉકેલી 25 ડ્રગ્સ પેડલર્સ અને કાર્ટેલના શંકાસ્પદોને પકડી પાડ્યા છે. અત્યારસુધીમાં કોકેઈન, એમ.ડી., મેફેડ્રોન, ગાંજો અને ઓપિયમ જેવા નશીલા પદાર્થો જપ્ત કર્યા છે, જેની અંદાજીત કિંમત રૂ. 4.14 કરોડ જેટલી છે.
SMCની અસરકારક કામગીરી પર મંત્રીએ આપી પ્રશંસા
ગુજરાતના ગૃહ રાજ્ય મંત્રી હર્ષ સંઘવીએ જણાવ્યું કે SMCની ટીમે સ્થાનિક પોલીસના રડારની બહાર રહેલા નેટવર્ક્સ સુધી પહોંચીને માફિયાઓના ચક્કર ભંગ કર્યા છે. તેમણે સ્પષ્ટ કર્યું કે, રાજ્યમાં એક ગ્રામ પણ નશીલો પદાર્થ ન ચાલે – આ ગુજરાત સરકારનો સ્પષ્ટ સંકલ્પ છે. SMCની કામગીરીને તેઓએ “ઉત્કૃષ્ટ અને દૃઢ” ગણાવી હતી અને ટીમને શુભેચ્છા પાઠવી હતી.
ડ્રગ્સ સામે રાજ્યની મજબૂત સ્થિતિ
મુખ્યમંત્રી ભૂપેન્દ્ર પટેલના દિશા-સૂચન હેઠળ SMCના સ્વતંત્ર પોલીસ સ્ટેશનને ઓર્ગેનાઇઝ ક્રાઇમ સામે જાગૃત કામગીરી માટે વિશેષ સત્તાઓ સાથે સક્રિય બનાવવામાં આવ્યું છે. અગાઉ દારૂ અને જુગારના કેસ હેન્ડલ કરતા SMCને હવે NDPS કેસોની તપાસની પણ જવાબદારી આપી દેવામાં આવી છે.
વિદેશી પેડલર્સ પણ ગયા હાથમાં
SMCના આ જંગી ઝુંબેશમાં માત્ર સ્થાનિક જ નહીં, વિદેશી નશા તસ્કરો પણ ઝડપાયા છે. પકડાયેલા આરોપીઓમાં બે નાઈજિરિયન નાગરિકો પણ સામેલ છે. જેના પરથી સ્પષ્ટ છે કે ગુજરાતમાં ડ્રગ્સ વિતરણ માટે આંતરરાષ્ટ્રીય કનેક્શન્સ કાર્યરત હતા.
આ લડત અહીં અટકવાની નથી…
રાજ્ય સરકારના આ પગલાં “ડ્રગ-મુક્ત ગુજરાત”ના લક્ષ્યને વધુ મજબૂતી આપે છે. દરેક શહેર અને ગામડાં સુધી ડ્રગ્સની પેદાશ અને વિતરણનો પાયો ખોખલો કરવાનો સંકલ્પ સરકારના તંત્ર દ્વારા પ્રબળ છે. SMC દ્વારા ચલાવવામાં આવતી તપાસ યથાવત્ રહેશે અને ભવિષ્યમાં વધુ મોટા નેટવર્કના ભાંડો ફૂટવાની શક્યતા છે.
