RBI Import Approval આયાત પર નિયંત્રણ: ‘પ્રતિબંધિત’ કેટેગરીમાં સોનું, ચાંદી અને પ્લેટિનમ
RBI Import Approval ભારત સરકારે હવે સોનું, ચાંદી અને પ્લેટિનમ જેવી કિંમતી ધાતુઓની આયાત પર નવા કડક નિયમો લાગુ કર્યા છે. આ નિયમો હેઠળ 99.5% શુદ્ધ સોના, 99.9% શુદ્ધ ચાંદી અને કેટલાક પ્લેટિનમનાં સ્વરૂપોને ‘પ્રતિબંધિત’ કેટેગરીમાં મુકવામાં આવ્યા છે. આનો અર્થ એ છે કે હવે આ મૂલ્યવાન ધાતુઓની આયાત માટે સરકાર પાસેથી પરવાનગી મેળવવી પડશે. આ ફેરફાર 19 મેના રોજ ડિરેક્ટોરેટ જનરલ ઓફ ફોરેન ટ્રેડ (DGFT) દ્વારા બહાર પાડવામાં આવેલા જાહેરનામા પર આધારિત છે.
સોના અને ચાંદીની આયાત માટે પરવાનગી ફરજિયાત
સરકારની આ નવી યોજના અનુસાર, 99.5% શુદ્ધ સોનું હવે ‘પ્રતિબંધિત’ કેટેગરીમાં મુકવામાં આવ્યું છે. આ રીતે, તેને ઓર્ડર કરવા માટે RBI અથવા DGFT દ્વારા મંજૂરી મેળવવી જરૂરી બની ગઈ છે. HS કોડ 71081210 અને 71081310 હેઠળ આવતા સોના પર આ નિયમ લાગુ પડશે. આ ઉપરાંત, સોનું ફક્ત તે એજન્સીઓ દ્વારા આયાત કરી શકાશે જેમને RBI અથવા DGFT દ્વારા મંજૂરી આપવામાં આવી છે. ચાંદી માટે પણ 99.9% શુદ્ધતા ધરાવતી ચાંદી ‘પ્રતિબંધિત’ છે અને તે IIBX (ઇન્ડિયા ઇન્ટરનેશનલ બુલિયન એક્સચેન્જ) દ્વારા જ ઉપલબ્ધ થશે.
પ્લેટિનમ માટે પણ નીતિ બદલાઈ
પ્લેટિનમના આયાત પર પણ નવા નિયમો લાગુ થયા છે. HS કોડ 711011111 અને 71101121 હેઠળ 9% કે તેથી વધુ શુદ્ધતા ધરાવતો અલ્ટ્રા પ્યોર પ્લેટિનમ મુક્તપણે આયાત કરી શકાય છે, પરંતુ અન્ય પ્રકારના પ્લેટિનમને ‘પ્રતિબંધિત’ શ્રેણીમાં મુકવામાં આવ્યો છે, અને તેને પણ આયાત માટે પરવાનગી લેવી પડશે.
ફાયદા અને હેતુ
આ કડક નિયમોનો હેતુ દાણચોરી અને દુરુપયોગને રોકવાનો છે. નવા નિયમો થકી, આયાત પ્રક્રિયાને વધુ પારદર્શક અને નિયંત્રિત બનાવવાનો પ્રયાસ કરવામાં આવ્યો છે.
