PM Modi Ahmedabad Road Show: ગુજરાતના પુત્ર પીએમ મોદીનું વતનમાં આગમન, સાંસ્કૃતિક નૃત્યોથી ગુંજી ઉઠ્યું શહેર
PM Modi Ahmedabad Road Show: ઓપરેશન સિંદૂર બાદ પ્રથમવાર ગુજરાતના પ્રવાસે આવેલા વડાપ્રધાન નરેન્દ્ર મોદીએ અમદાવાદના રસ્તાઓ પર શ્રદ્ધાભાવ અને ઉત્સાહભેર ભરેલા નાગરિકોને પોતાનો અભિવાદન આપ્યો. પીએમ મોદીના ત્રણ કિલોમીટરના રોડ શો માટે ખાસ આયોજન કરવામાં આવ્યું હતું, જેમાં સમગ્ર માર્ગને દેશભક્તિની ભાવનાઓ અને સાંસ્કૃતિક વૈભવથી શણગારવામાં આવ્યો હતો.
પીએમ મોદીના શોભાયાત્રા માર્ગ પર 19 અલગ-અલગ મંચો પર વિવિધ રાજ્યોની સંસ્કૃતિ દર્શાવતા રંગારંગ કાર્યક્રમો યોજાયા હતા. આ કાર્યક્રમોમાં નૃત્ય, વાદ્યયંત્રો અને પરંપરાગત પોશાકો દ્વારા દેશની વૈવિધ્યસભર સંસ્કૃતિનું પ્રતિનિધિત્વ કરવામાં આવ્યું હતું.
આ રીતે થયું સ્વાગત
મંચ 1 : દેશના વીર સૈનિકોની ઝાંખી દર્શાવતા વિરતા પઠારાઓ સાથે વડાપ્રધાનનું અભિવાદન
મંચ 2 : નાસીક ઢોલ અને છત્રી રાસ દ્વારા પંજાબ અને મહારાષ્ટ્રની છાપ
મંચ 3 : ઢાલ અને તલવાર સાથે મેર રાસ – રાજસ્થાની રણભૂમિના વીરોનું પ્રતિનિધિત્વ
મંચ 4 : ગુજરાતનું લોકપ્રિય ડાંડિયા રાસ
મંચ 5 : કચ્છના લોકસાંસ્કૃતિક રંગોથી ભરેલો કાર્યક્રમ
મંચ 6 : આદિવાસી સમુદાયના પરંપરાગત નૃત્યો
મંચ 7 : દક્ષિણ ભારતીય ભરતનાટ્યમ અને કથ્થકલી
મંચ 8 : રાજસ્થાની ગરબા અને ઘૂઘરા સાથેનો નૃત્યપ્રદર્શન
મંચ 9 : આસામનું પરંપરાગત બિહુ નૃત્ય
મંચ 10 : પંજાબી ભાંગડાનું ઉર્જાસભર કાર્યક્રમ
મંચ 11 : પશ્ચિમ બંગાળના નૃત્યદળ દ્વારા સાંસ્કૃતિક રજૂઆત
મંચ 12 : મરાઠી લોકસાંસ્કૃતિક નૃત્ય
મંચ 13 : મણીપુરના પરંપરાગત નૃત્યો
મંચ 14 : રાઠવા આદિવાસીઓનું રાષ્ટ્રીયતા દર્શાવતું નૃત્ય
મંચ 15 : પરંપરાગત ગરબા
મંચ 16 : લોકપ્રિય રાસ
મંચ 17 : માલધારી સમાજ દ્વારા વીરતા અને સંસ્કૃતિ દર્શાવતું નૃત્ય
18-19. અન્ય રાજ્યોના રંગપૂર્ણ નૃત્ય અને સંસ્કૃતિના રંગોથી મંચ ઝળહળી ઉઠ્યાં
વિકાસના કાર્યક્રમો સાથે શ્રદ્ધાંજલિ પણ
ગુજરાત પ્રવાસ દરમિયાન વડાપ્રધાન નરેન્દ્ર મોદીએ દાહોદ અને ભુજમાં વિવિધ વિકાસપ્રોજેક્ટોનું લોકાર્પણ અને ખાતમુહૂર્ત પણ કર્યું. જ્યારે વડોદરામાં યોજાયેલા રોડ શો દરમિયાન જનસાગર ઉમટી પડ્યો હતો. ખાસ નોંધપાત્ર છે કે કર્નલ સોફિયાના પરિવારજનો પણ પીએમ મોદીને આવકારવા માટે ખાસ ઉપસ્થિત રહ્યા હતા.
આ સમગ્ર કાર્યક્રમો વડે એક તરફ દેશભક્તિની લાગણી પ્રગટાઇ હતી તો બીજી તરફ દેશની એકતાનું સુંદર દ્રષ્ટાંત પણ સામે આવ્યું.
