બાળક ચોરીની અફવા આખા દેશમાં ઝડપથી ફેલાઈ રહી છે અને નિર્દોષ લોકો તેનું નિશાન બની રહ્યા છે. હરિયાણાના રેવાડીમાં પણ આવો જ એક કિસ્સો સામે આવ્યો છે, જ્યાં ત્રણ વર્ષની ભાણી સાથે બજારમાં ગયેલા એક સગીર મામાને લોકોએ બાળકચોર તરીકે પકડ્યો હતો અને માર મારવાનું શરૂ કર્યું હતું. આભારી છે કે ટોળાએ હાલાકી શરૂ કરતા પહેલા પોલીસ બાળકી અને તેના મામાને પોલીસ સ્ટેશન લઈ આવી હતી અને પૂછપરછ કરી હતી. પૂછપરછ બાદ પોલીસે પરિવારને પોલીસ સ્ટેશન બોલાવી બાળકી અને મામાને તેમના હવાલે કર્યા હતા.
મામલો રેવાડીના મોતી ચોકનો છે. જ્યાં એક સગીર તેની ત્રણ વર્ષની ભાણીને લઈને બજારની તરફ નીકળ્યો હતો. દરમિયાન, રસ્તામાં તેની સ્કૂટીમાં પેટ્રોલ પરુ થઈ ગયું અને બાળકિએ રડવાનું શરૂ કર્યું. બાળકને રડતા જોઈ આસપાસના લોકોએ બાળકચોરની શંકામાં સગીરને ઘેરી લીધો હતો. ટોળાએ આ છોકરાને મારવાની તૈયારી બતાવી હતી, પરંતુ ઘટનાની માહિતી મળતાં પોલીસ ઘટના સ્થળે પહોંચી ગઈ હતી. પોલીસે યુવક અને ત્રણ વર્ષની બાળકીને ત્યાંથી પોલીસ સ્ટેશન લઈ આવી હતી. પૂછપરછ દરમિયાન જાણવા મળ્યું કે ચોર ગણાતો સગીર છોકરો બાળકીનો મામા છે.
બાળકના મામાએ સેક્ટર -3માં ઘર છે તે જણાવ્યું, જ્યાં પોલીસ આવી હતી, ત્યાં જાણવા મળ્યું કે બાળકીની માતા અને દાદી ભાડાના મકાનમાં રહે છે. ઉપરાંત, બાળકીનો મામા તેમની સાથે રહે છે. પોલીસે તમામ દસ્તાવેજો તપાસીને ઘટનાને ગેરસમજ ગણાવી બાળકી અને યુવકને પરિવારને સોંપી દીધા હતાં. આ દરમિયાન પોલીસે લોકોને અપીલ કરી હતી કે તેઓ બાળકચોરની અફવાઓ ન ફેલાવે.
