Chinnaswamy Stadium stampede હાઈકોર્ટમાં સરકાર તરફથી એડવોકેટ જનરલ કરશે વિગતવાર રજૂઆત
Chinnaswamy Stadium stampede કર્ણાટકના બેલાખાત ચિન્નાસ્વામી સ્ટેડિયમમાં 4 જૂન 2025ના રોજ IPLમાં RCBની જીતની ઉજવણી દરમિયાન થયેલી નાસભાગમાં 11 લોકોના દુર્ભાગ્યપૂર્ણ મોત થયા હતા અને 56થી વધુ લોકો ઘાયલ થયા હતા. આ ગંભીર ઘટનાને પગલે કર્ણાટક હાઈકોર્ટએ સુઓમોટો રિટ અરજી દાખલ કરી છે અને રાજ્ય સરકાર પાસે ઘટનાસંબંધિત વિવિધ મુદ્દાઓ પર સ્પષ્ટ જવાબ માગ્યા છે.
કોર્ટના આદેશને અનુસંધાને કર્ણાટકના ગૃહમંત્રી જી પરમેશ્વરે જણાવ્યું કે આ મામલે સરકાર તરફથી એડવોકેટ જનરલ શશી કિરણ શેટ્ટી હાઈકોર્ટમાં સીલબંધ પરબિડીયુંમાં વિગતવાર જવાબ દાખલ કરશે. તેમણે સ્પષ્ટ કર્યો કે કોર્ટ દ્વારા પૂછાયેલા પ્રશ્નોના સાચા જવાબ આપવા માટે એડવોકેટ જનરલ સરકારની સાથે પરામર્શ કરીને તમામ હકીકતો રજૂ કરશે.
કોર્ટે રાજ્ય સરકારને નવ મુખ્ય મુદ્દાઓ પર જવાબ આપવા કહ્યું છે, જેમ કે કાર્યક્રમને કોણે મંજૂરી આપી, તે મંજૂરી કઈ રીતે અને ક્યારે આપવામાં આવી, અને શું આયોજન માટે જરૂરી પરવાનગીઓ મેળવવામાં આવી હતી કે નહીં.
મહત્વપૂર્ણ બાબત એ છે કે આ સમગ્ર પ્રક્રિયા દરમિયાન મુખ્યમંત્રી સિદ્ધારમૈયા, નાયબ મુખ્યમંત્રી ડી.કે. શિવકુમાર, મુખ્ય સચિવ અને એડવોકેટ જનરલ— મુદ્દાઓ પર ચર્ચા કરી છે અને કોર્ટે માંગેલી વિગતો તૈયાર કરવામાં આવી રહી છે.
જ્યારે પત્રકારોએ પૂછ્યું કે શું તપાસ રિપોર્ટ જાહેર કરવામાં આવશે, ત્યારે ગૃહમંત્રીએ જવાબ આપ્યો કે રિપોર્ટ પહેલા સરકાર સમક્ષ આવશે, ત્યારબાદ કોર્ટને રજૂ કરવામાં આવશે. હાલ રિપોર્ટ જાહેર કરવાનું તબક્કો નથી.
અત્રે ઉલ્લેખનીય છે કે નાસભાગ કેસ સિવાય પણ પરમેશ્વરે હિન્દુત્વ કાર્યકર્તા સુહાસ શેટ્ટીની હત્યા મામલે કેન્દ્ર દ્વારા કેસ NIAને સોંપવામાં આવ્યો છે તે મુદ્દે પણ જવાબ આપ્યો. તેમણે જણાવ્યું કે કેન્દ્રએ કેટલાક ધારા ટાંકીને કેસ NIAને આપવાનો આદેશ આપ્યો છે અને તે રાજ્ય માટે ફરજિયાત છે.
આ બન્ને મુદ્દાઓ રાજ્યની શાસકીય જવાબદારી અને કોમ્યુનિકેશન તંત્રની અસરકારકતાને લઈને ગંભીર પ્રશ્નો ઉભા કરે છે. 12 જૂને હાઈકોર્ટમાં આગળની સુનાવણીમાં સરકારના જવાબોથી અનેક બાબતો પર વિધિવત પ્રકાશ પડવાની સંભાવના છે.
