અમદાવાદની એક ફાર્મા કંપનીના ફેસબુક એકાઉન્ટનો પાસવર્ડ બદલી કંપનીના માલિકો સાથે ખુન્નસ કાઢનાર આરોપીની ધરપકડ સાયબર સેલ દ્વારા કરવામાં આવી છે. આરોપી પવનસિંહ શહેરની એક ફાર્મા કંપનીમાં નોકરી કરતો હતો. જે કંપનીમાં તેને માર્કેટિંગ કરતો હતો એ સમયે એ કંપનીના ફેસબુક એકાઉન્ટનો પાસવર્ડ આરોપી પવનસિંહ પાસે રહેતો હતો. પરંતુ ફરજમાં તેની કામગીરી યોગ્ય નહોતી અને ગેર વર્તણુકના કારણે તેને ફરજ પરથી હટાવી દેવામાં આવ્યો હતો. જેથી આરોપીએ કપનીના ફેસબુક એકાઉન્ટનો પાસવર્ડ બદલી દીધો હતો.
નોકરી માંથી કાઢી મુક્યો હતો
જે અંગેની જાણ કંપનીના માલિકને થતાં તેમના દ્વારા સાયબર સેલ ખાતે ફરિયાદ આપતા ફેસબુક એકાઉન્ટ ક્યાંથી ઓપરેટ થઇ રહ્યું છે તે અંગેની વિગતો મેળવી આરોપી સુધી પોલીસ પહોચી તેની ધરપકડ કરવામાં આવી છે. પ્રાથમિક પૂછપરછ દરમિયાન હકીકત સામે આવી છે કે તેને નોકરી માંથી કાઢી મુક્યો હતો જેથી કંપની સામે ખુન્નસ કાઢવા માટે તેના દ્વારા આ પ્રકારનું કૃત્ય કરવામાં આવ્યું હતું.
પાસવર્ડ બદલી દેવામાં આવ્યો
તેનો ઈરાદો હતો કે જો પાસવર્ડ બદલી દેવામાં આવે તો કંપનીનું ઓનલાઈન માર્કેટિંગ અટકી જાય અને કંપનીને નુકશાન થાય જેથી તેના દ્વારા પાસવર્ડ બદલી દેવામાં આવ્યો હતો. હાલમાં સાયબર સેલ દ્વારા તેની ધરપકડ કરવામાં આવી છે. અગામી સમયમાં તેની સામે વધુ કાયદેસર કાર્યવાહી હાથ ધરવામાં આવશે.
