Lemon Farming Profit in Gujarat: લીંબુની ખેતીથી કૃપેશભાઈએ મેળવી વર્ષમાં 7 લાખની આવક
Lemon Farming Profit in Gujarat: અમદાવાદ જિલ્લામાં દસ્ક્રોઈ તાલુકાના મીરોલી ગામમાં રહેતા કૃપેશચંદ્ર અંબાલાલ પંડ્યા એ લીંબુની ખેતી દ્વારા એ ઉદાહરણ પૂરું પાડ્યું છે કે ઓછી મહેનતમાં પણ બાગાયત ખાતાની મદદથી સારી કમાણી મેળવી શકાય છે. તેમણે પરંપરાગત ખેતી છોડીને લીંબુનું વાવેતર કર્યું અને આજે તેઓ દર વર્ષે 5 થી 7 લાખ રૂપિયા સુધીનો નફો મેળવી રહ્યા છે.
પિતા પાસેથી મળેલી બાગાયત ખેતી
58 વર્ષીય કૃપેશભાઈએ બી.કોમ. સુધી અભ્યાસ કર્યો છે. પિતા પાસેથી મળેલી બાગાયત ખેતીનો તેમણે સારું ઉપયોગ કર્યો અને 12 વીઘા જમીનમાં લીંબુનું વાવેતર કર્યું. પિતાના સમયથી ચાલી આવતી લીંબુની ખેતીમાં હવે તેમણે નવા છોડ વાવ્યાં અને બાગાયત ખાતાની સહાય મેળવ્યા બાદ સફળતા મેળવી.
ઓછો ખર્ચ, વધારે નફો
કૃપેશભાઈ જણાવે છે કે લીંબુના પાક માટે દર વર્ષે લગભગ 1.5 લાખનો ખર્ચ થાય છે જેમાં ખાતર, કાપણી તથા મજૂરીનો ખર્ચ સામેલ છે. બદલેમાં, લીંબુનું વેચાણ કરીને સરેરાશ 5 થી 7 લાખ સુધીનો નફો મળે છે. લીંબુ એ એવું ફળ છે, જે બારેય મહિના ઉત્પાદન આપે છે અને ખેડૂતો માટે સતત આવકનો સ્ત્રોત બની રહે છે.
લીંબુનો લાભદાયક પાક
કૃપેશભાઈ કહે છે કે લીંબુનો પાક ઓછી મહેનત સાથે વધારે લાભ આપે છે. જમીન સારી હોય તો પાક લાંબા સમય સુધી મળે છે અને આવક પણ સતત રહેતી હોય છે. તેમણે પોતાના બાગમાં ચીકૂ, કેરી જેવા અન્ય પાક પણ ઉગાડી અનેકવિધ આવક ઉભી કરી છે.
અન્ય ખેડૂતો માટે પ્રેરણા
કૃપેશભાઈનું ઉદાહરણ દર્શાવે છે કે લીંબુની ખેતી પરંપરાગત પાકોની સરખામણીએ વધારે લાભકારી છે. ખાસ કરીને ત્યારે જ્યારે ભાવ વધારે હોય ત્યારે લીંબુનું વેચાણ વધારે નફો આપે છે. તેમનો અનુભવ એ સાક્ષી છે કે બાગાયત ખેતીથી ખેડૂતો જીવનમાં સફળતા મેળવી શકે છે.
