Trump Iran Strike: ટ્રમ્પનો નિર્ણય – ઇતિહાસ બદલી નાખતી કાર્યવાહી
Trump Iran Strike: ઇઝરાયલના વડાપ્રધાન બેન્જામિન નેતન્યાહૂએ અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ઇરાનના પરમાણુ કેન્દ્રો પર કરાયેલા હુમલાની પ્રશંસા કરી છે. તેમણે આ નિર્ણયને “શક્તિ દ્વારા શાંતિ”નો ઉત્તમ ઉદાહરણ ગણાવ્યું અને કહ્યું કે આ પગલું ઈતિહાસ બદલી નાખશે.
ઇરાનના પરમાણુ કેન્દ્રો પર અમેરિકાનો હુમલો
અમેરિકાએ ઇરાનના ત્રણ પરમાણુ કેન્દ્રો – ફોર્ડો, નતાન્ઝ અને ઇસ્ફહાન – પર સફળ હુમલો કર્યો. ઇઝરાયલના વડાપ્રધાન નેતન્યાહૂએ આ કામગીરીને વખાણતા કહ્યું, “ટ્રમ્પનો નિર્ણય એ બતાવે છે કે જે કામ બીજું કોઈ દેશ કરી શક્યું નથી, એ અમેરિકા કરી બતાવ્યું.”
‘ઓપરેશન રાઇઝિંગ લાયન’નો ઉલ્લેખ
નેતન્યાહૂએ જણાવ્યું કે ઇઝરાયલે ૧૩ જૂનના રોજ ‘ઓપરેશન રાઇઝિંગ લાયન’ ચલાવ્યું હતું, પરંતુ હવે અમેરિકાની કામગીરીએ વૈશ્વિક પાટો બદલી નાખ્યો છે. તેમણે કહ્યું કે ઇરાનના પરમાણુ કાર્યક્રમને ઇઝરાયલ લાંબા સમયથી ખતરો માનતો આવ્યો છે.
“પ્રથમ શક્તિ, પછી શાંતિ”
ઇઝરાયલના વડાપ્રધાનના મતે, “પ્રથમ શક્તિ આવે છે, ત્યાર બાદ શાંતિ આવે છે.” તેમણે ટ્રમ્પના નેતૃત્વ હેઠળ પશ્ચિમ એશિયાની સુરક્ષા અને વિકાસ માટે લેવાયેલા આ નિર્ણયનું ખાસ મહત્વ દર્શાવ્યું.
ઇઝરાયલના રાષ્ટ્રપતિનું નિવેદન
ઇઝરાયલના રાષ્ટ્રપતિ આઇઝેક હર્ઝોગે પણ આ હુમલાની પ્રશંસા કરી હતી. તેમણે ‘X’ પર લખ્યું, “આ ઘટના માનવ ઇતિહાસમાં એવી પળ છે જ્યાં સ્વતંત્રતા, જવાબદારી અને સુરક્ષાની જીત થઈ.”
ટ્રમ્પનું ઇરાનને ચેતવણી ભરેલું સંબોધન
અમેરિકાના રાષ્ટ્રપતિ ડોનાલ્ડ ટ્રમ્પે ઇરાનને સંબોધતા કહ્યું, “જો ઇરાન શાંતિ જાળવી રાખશે તો બધું સારું રહેશે, નહીં તો ભવિષ્યમાં વધુ વિનાશક હુમલાઓ થશે. આજે નિશાન બનાવેલા તમામ લક્ષ્યો ચોક્કસ હતા.”
