Sharad Pawar ધોરણ ૫ પછી હિન્દી ફરજિયાત બનવી યોગ્ય – પવારનો મત
Sharad Pawar દેશભરમાં ચાલી રહેલા હિન્દી ભાષા વિવાદ વચ્ચે મહારાષ્ટ્રના વરિષ્ઠ રાજકારણી અને NCP (SP)ના અધ્યક્ષ શરદ પવારનો નિવેદન વિશેષ મહત્વ ધરાવે છે. તેમણે હિન્દી ભાષા અંગે ભાવનાત્મક નહીં પણ વાસ્તવિકતા આધારિત દ્રષ્ટિકોણ રજૂ કર્યો છે. પવારે સ્પષ્ટ કર્યું કે હિન્દી ભાષાને અવગણવી શક્ય નથી કારણ કે તે દેશની સૌથી વધુ બોલાતી ભાષા છે.
તેમના જણાવ્યા અનુસાર, ધોરણ ૧ થી ૪ સુધી હિન્દી ફરજિયાત બનાવવી યોગ્ય ન ગણાય. નાનાં બાળકો પર ભાષાની ફરજિયાતગી ભારરૂપ થઈ શકે છે. પરંતુ ધોરણ ૫ પછી હિન્દી ભાષાને અભ્યાસમાં ફરજિયાત બનાવવી યોગ્ય પગલું હોય શકે છે, જે વિદ્યાર્થીઓને દેશવ્યાપી વાતચીત અને કારકિર્દી માટે તૈયાર કરશે.
“મહારાષ્ટ્ર હિન્દી વિરોધી નથી” – પવારનો સ્પષ્ટ સંદેશ
શરદ પવારોના મતે મહારાષ્ટ્રના લોકો હિન્દી ભાષાના વિરોધમાં નથી. તેમણે ઉમેર્યું કે ભાષા વિશેના કોઈપણ નિર્ણયમાં વિદ્યાર્થીઓના ભવિષ્ય અને ભાવનાને ધ્યાનમાં રાખવું જોઈએ. પવારે કહ્યું કે તેમણે બંને ઠાકરે – ઉદ્ધવ અને રાજ –ના અભિપ્રાયો સાંભળ્યા છે અને હવે તેઓ મુંબઈ જઈને આ મુદ્દે વધુ સ્પષ્ટતા મેળવવાનો ઈરાદો રાખે છે.
રાજકીય એકતા માટે અપીલ
પવારે દેશના તમામ રાજકીય પક્ષોને અપીલ કરી છે કે જો તેઓ હિન્દી ભાષા અંગેની ચર્ચામાં જોડાવા ઈચ્છતા હોય તો પહેલા સ્પષ્ટતા કરવી પડશે કે તેઓ શું માંગે છે. તેમણે જણાવ્યું કે કોઇએ આમંત્રિત કરેલું હોય તે એક બાબત છે, પરંતુ જો મુદ્દો મહત્વનો છે તો પહેલા સમજૂતી જરૂરી છે અને ત્યારબાદ જ કોઇ નિર્ણય લેવાશે.
તેમણે ભાષા મુદ્દે સંતુલિત દ્રષ્ટિકોણ રજૂ કર્યો છે, જે દેશની વિવિધ ભાષાઓની સાથોસાથ હિન્દીનું પણ મહત્વ સ્વીકારે છે. આ મુદ્દે ભાવનાથી નહિ, પરંતુ વ્યાવહારિક અને બાલહિત દૃષ્ટિકોણથી વિચારવું હવે દરેક માટે જરૂરી બની ગયું છે.
