Gujarat Dairy Infrastructure Scheme: રાજ્યમાં દૂધ મંડળીના મજબૂત ઢાંચા માટે સરકારનું નવું પગલું
Gujarat Dairy Infrastructure Scheme: ગુજરાતમાં પશુપાલકોના વિકાસ માટે સરકાર નવી પહેલ કરી રહી છે. ખાસ કરીને દૂધ ઉત્પાદક સહકારી મંડળીઓ માટે Gujarat Dairy Infrastructure Scheme અંતર્ગત દૂધ ઘર કે ગોડાઉન બાંધકામ માટે રાજ્ય સરકારે સહાયના દરવાજા ખોલ્યા છે.
દૂધ ઘરના બાંધકામ માટે મળશે 50% સુધીની સહાય
રાજ્ય સરકાર દ્વારા અમલમાં મુકાયેલી આ યોજનાના અંતર્ગત દૂધ મંડળી પાસે જમીન હોય અને તેઓ પહેલાં કોઈ સહાય પામી ન હોય તો, તેઓને એકમ ખર્ચના 50% કે મહત્તમ રૂ. 5,00,000 સુધીની સહાય મળશે. જેનું અમલીકરણ જિલ્લા પશુપાલન અધિકારી કાર્યાલય દ્વારા કરવામાં આવશે.
આ સહાયથી મેળવાશે શું લાભ?
દૂધના સંગ્રહ અને સંચાલન માટે આધુનિક દૂધ ઘર ઉભું કરવાની સહાય
પશુઓના આહાર માટે સામગ્રી અને જગ્યા ઉપલબ્ધ કરાવવાની સગવડ
દૂધ મંડળીઓમાં મશીનરી સ્થાપન દ્વારા કાર્યક્ષમતા વધારો
કોણ લઈ શકે છે આ સહાય?
આ યોજના ખાસ કરીને ગ્રામ્ય દૂધ સહકારી મંડળીઓ માટે છે, જેને મંડળીના મેનેજિંગ ડિરેક્ટરની તરફથી પ્રમાણપત્ર આપવું ફરજિયાત છે કે, સહાય અગાઉ મેળવી નથી. તેમજ મંડળીના નામે જમીન હોવી જરૂરી છે.
અરજી પ્રક્રિયા કેવી છે?
ખેડૂતે આઈ ખેડૂત પોર્ટલ પર ઓનલાઇન અરજી કરવાની રહેશે
જરૂરી દસ્તાવેજો જેવા કે જમીનના કાગળ, દૂધ મંડળીના નોંધણી પ્રમાણપત્ર વગેરે અપલોડ કરવા પડશે
સહાય માત્ર એક વખત મળી શકે છે
જમીન હોવી આવશ્યક: ફરીથી સહાય નહીં મળે
યોજનાનો લાભ મેળવવા માટે દૂધ મંડળી પાસે દૂધ ઘર અથવા ગોડાઉન બનાવવા માટે જરૂરી જમીન હોવી આવશ્યક છે. તેમજ આ સહાય જીવનમાં માત્ર એક જ વખત મળી શકે છે.
લાભાર્થીનો અનુભવ: “દૂધ ઘર બની ગયા પછી સંગ્રહની તકલીફ ઉકળી ગઈ”
ભાવનગર જિલ્લાના ખારી ગામના નરસિંહભાઈ મકવાણાએ જણાવ્યું કે, “હું દૂધ મંડળી ચલાવું છું. 2023-24માં ઓનલાઇન અરજી કરીને સરકારી સહાય મેળવી અને દૂધ ઘર ઊભું કર્યું. હવે દૂધના સંગ્રહમાં મારી મંડળી સ્વાવલંબી બની ગઈ છે.”
પશુપાલકો માટે આ યોજના તેમની આવકમાં વધારો અને વ્યવસાયમાં સગવડતા લાવવાનું એક મોટું પગલું છે. એવા દરેક દૂધ ઉત્પાદક સહકારી મંડળીઓએ સમયસર અરજી કરી લેવી જોઈએ જેથી તેઓ આ લાભ લઈ શકે.
