Hardik Patel Missing In Patidar Meeting: પાટીદાર આંદોલનના નેતાઓ ફરી એકત્ર, પણ હાર્દિક પટેલ ગેરહાજર
Hardik Patel Missing In Patidar Meeting: દાયકાબાદ પાટીદાર અનામત આંદોલનના અગ્રણીઓ ગાંધીનગર ખાતે મળ્યા હતા, જ્યાં સમાજના હિત અને પડકારો અંગે ચર્ચા કરવામાં આવી. જોકે, આ મહત્વપૂર્ણ બેઠકમાં ભાજપના ધારાસભ્ય હાર્દિક પટેલ હાજર રહ્યા નહોતા, જેના કારણે નવા અને જૂના યુવા નેતાઓમાં નારાજગીનો માહોલ સર્જાયો હતો.
ચર્ચા દરમિયાન હાર્દિકનો સંઘર્ષ: યાદો ભરી સોશિયલ મીડિયા પોસ્ટ
જ્યારે બેઠક ચાલી રહી હતી ત્યારે હાર્દિક પટેલે પોતાની ભૂમિકા યાદ કરતાં એક પોસ્ટ શેર કરી, જેમાં તેમણે લખ્યું કે, “ધારાસભ્ય બનીને હું શિક્ષણ, આરોગ્ય, રોજગાર અને ભ્રષ્ટાચાર સામે લડી રહ્યો છું. સંઘર્ષ કઈ દિશામાં જશે તે ખબર નહોતી, પણ લોકોના આશીર્વાદથી લાખો વિદ્યાર્થીઓને લાભ થયો છે.”
વરુણ પટેલનો કરારો પ્રહાર: “આ તો વ્યક્તિગત મજા હોય લાગે છે”
પાસ આગેવાન વરુણ પટેલે હાર્દિક પર ટીકા કરતા કહ્યું કે, “આ કોઈનાં લગ્ન નહોતા કે ખાસ આમંત્રણ આપવું પડે. જાહેર જાહેરાત સોશિયલ મીડિયા અને મીડિયા દ્વારા કરવામાં આવી હતી. જેમને આવવું હતું તે આવ્યા, જેમને લાગણી નહોતી તે નહીં આવ્યા. હાર્દિક પટેલ ક્યાં જાય એ તેમનો વ્યક્તિગત વિષય છે.”
બેઠકમાં પાટીદાર યુવાએ ઉઠાવ્યા ગંભીર મુદ્દા
આ બેઠકમાં પાટીદાર સમાજને લગતા વિવિધ મુદ્દાઓ પર ચર્ચા થઈ હતી, જેમાં ખાસ કરીને નાબાલિગોનું ભાગીને લગ્ન કરવાનો મુદ્દો, વ્યાજખોરી, ઓનલાઈન સટ્ટો અને અનફિલ્ટર ઓનલાઇન ગેમના નુકસાન અંગે ચર્ચા કરવામાં આવી. માતા-પિતાની મંજુરી વગર લગ્ન ન થાય તેવી સરકાર સમક્ષ માંગ ઉઠાવાઈ.
ગોંડલ મુદ્દે પણ સરકારને સૂચન
રાજકોટના ગોંડલમાં થયેલા તણાવભર્યા પ્રસંગોની પણ ચર્ચા કરવામાં આવી હતી. આગેવાનોએ જણાવ્યું કે, “ભયમુક્ત ગોંડલ સર્જવાનો સરકાર પ્રયત્ન કરે અને આવા બનાવો થંભે એ માટે યોગ્ય કાર્યવાહી થાય.”
હાર્દિકની ભૂમિકા પર ફરી ઉઠ્યા સવાલો
હાર્દિક પટેલ ભૂતકાળમાં પાટીદાર આંદોલનના મુખ્ય ચહેરા હતા, પરંતુ હવે તેમની રાજકીય ભૂમિકા સામે પ્રશ્નચિહ્નો ઉભા થઈ રહ્યા છે. યુવા નેતાઓ માને છે કે સમાજના મુદ્દે અગાઉ લડી ચૂકેલા નેતાએ જો આજે વંચિત રહે તો સમાજ તેની ઊંડી નોંધ લે છે.
