Ahmedabad Air India plane crash: દુર્ઘટનાની પૃષ્ઠભૂમિ: ટેકઓફ પછી 40 સેકન્ડમાં વિમાન ધરાશાયી
Ahmedabad Air India plane crash: 12 જૂન 2025ના રોજ અમદાવાદ એરપોર્ટ પરથી લંડન માટે નીકળેલી એર ઇન્ડિયાની ફ્લાઇટ AI-171 માત્ર 40 સેકન્ડમાં મેડિકલ કોલેજની નજીક ક્રેશ થઈ ગઈ હતી. Boeing 787-8 Dreamliner વિમાન દુર્ઘટનામાં 270થી વધુ લોકોના મોત થયા હતા. માત્ર એક મુસાફર જીવતો બચી ગયો હતો. આ દુર્ઘટના બાદ આખો દેશ શોકમાં ડૂબી ગયો છે.
બ્લેક બોક્સમાંથી મળેલી માહિતી અને પ્રાથમિક તારણો
વિમાનનો બ્લેક બોક્સ દિલ્હીની એવિએશન એક્સિડેન્ટ ઇન્વેસ્ટિગેશન બ્યુરો (AAIB) ખાતે તપાસ માટે મોકલાયો છે. પ્રારંભિક અનુમાન મુજબ વિમાનમાં ડ્યુઅલ એન્જિન ફેલ્યોર અથવા ઇલેક્ટ્રોનિક/હાઇડ્રોલિક સિસ્ટમ ખામી જોવા મળી હોય તેવી શક્યતા છે.
સાત સંભવિત કારણો પર કેન્દ્રિત તપાસ
Ahmedabad Air India plane crashની તપાસ દરમિયાન ગુપ્તચર એજન્સીઓ નીચેના 7 સંભવિત પાસાઓ પર ધ્યાન કેન્દ્રિત કરી રહી છે:
ઇંધણ સાથે ચેડાં – એરપોર્ટ પર ઇંધણની ગુણવત્તા કે પૂરવઠામાં ખોટ કે હેરફેરની શક્યતા.
સુરક્ષા ખામી – બોર્ડિંગ કે લઘુતમ ચકાસણી પ્રક્રિયામાં બેદરકારી.
સાયબર હુમલો – વિમાનની નૅવિગેશન કે ઇલેક્ટ્રોનિક સિસ્ટમ હેક થવાની શક્યતા.
ટેકનિકલ ખામી – એન્જિન કે અન્ય ઘટકોમાં મેન્યુફેક્ચર દોષ.
આંતરિક તોડફોડ – ક્રૂ કે ગ્રાઉન્ડ સ્ટાફની સંડોવણી.
બાહ્ય આતંકી કાવતરો – પૂર્વનિયોજિત હુમલાની શક્યતા.
માનવ ભૂલ – પાઇલટ કે ATC તરફથી થયેલી ભૂલ.
આંતરરાષ્ટ્રીય પ્રતિસાદ અને વિવાદ
વિમાન દુર્ઘટના પર આંતરરાષ્ટ્રીય સ્તરે પણ ત્વરિત પ્રતિસાદ મળ્યો. US NTSB પ્રમુખે ભારત પાસેથી તપાસના પરિણામો શેર કરવાની અપેક્ષા વ્યક્ત કરી. જોકે, ભારતે UN એવિએશન તપાસકર્તાને પ્રવેશ ન આપવાને કારણે વિવાદ ઊભો થયો છે. ભારતીય નાગરિક ઉડ્ડયન મંત્રાલયે તપાસમાં પારદર્શિતા હોવાનો દાવો કર્યો છે.
ટેકનિકલ દાવા સામે સવાલો
એર ઇન્ડિયાએ સ્પષ્ટતા કરી કે દુર્ઘટનાગ્રસ્ત વિમાનનું છેલ્લું ઇન્સ્પેક્શન ચાર મહિના પહેલા થયું હતું અને ડાબું એન્જિન એપ્રિલમાં તપાસાયું હતું. છતાં, નિષ્ણાતોનું કહેવું છે કે ડ્યુઅલ એન્જિન ફેલિયર અતિદૂર્લભ છે અને તેને ગંભીરતાથી તપાસવામાં આવું જોઈએ.
ભવિષ્યની સુરક્ષા માટે સરકારના પગલાં
વિમાન દુર્ઘટનાને પગલે નાગરિક ઉડ્ડયન મંત્રાલયે સમગ્ર એર ઇન્ડિયા બોઇંગ ની સુરક્ષા ઓડિટની તૈયારી બતાવી છે. સાથે જ તમામ એરપોર્ટ્સ પર ઇંધણ પુરવઠા અને સુરક્ષા પ્રોટોકોલની સમીક્ષા કરવાના આદેશ અપાયા છે.
માનવતા પણ જીવંત છે: ડૉક્ટર શમશીર વયલિલ તરફથી સહાય
દુર્ઘટનામાં મૃત્યુ પામેલા મેડિકલ વિદ્યાર્થીઓના પરિવારો માટે UAE ના ડૉ. શમશીર વયલિલે પ્રતિ પરિવાર ₹1 કરોડ સહાયની જાહેરાત કરી છે. આ કઠીન સમયગાળામાં માનવતાના ચમકતાં તારલાં રૂપે લોકોની આગળ આવી રહ્યાં છે.
