Gujarat Health Review Center મુખ્યમંત્રીએ આપ્યું આરોગ્ય સેવાઓને નવી દિશા આપવાનું દ્રષ્ટિકોણ
Gujarat Health Review Center ગાંધીનગર ખાતે મુખ્યમંત્રી શ્રી ભૂપેન્દ્ર પટેલના હસ્તે અને આરોગ્ય મંત્રી શ્રી ઋષિકેશ પટેલની વિશેષ ઉપસ્થિતિમાં આજે રાજ્યના આરોગ્યક્ષેત્રે એક મહત્વપૂર્ણ તબક્કાનો આરંભ થયો. ‘આરોગ્ય સમીક્ષા કેન્દ્ર’નું લોકાર્પણ કરવામાં આવ્યું, જે રાજ્યના નાગરિકોને વધુ અસરકારક, સુવ્યવસ્થિત અને આધુનિક આરોગ્ય સેવાઓ પહોંચાડવાનો દ્રઢ સંકલ્પ છે.
આરોગ્ય સેવાઓનું મોનિટરિંગ
આ સમીક્ષા કેન્દ્ર રાજ્યના આરોગ્ય વિભાગની વિવિધ શાખાઓ દ્વારા અમલમાં મૂકવામાં આવતી સેવાઓનું એકીકૃત મોનિટરિંગ કરશે. મુખ્યમંત્રીએ કેન્દ્રની સુવિધાઓ અને કામગીરીનું તલસ્પર્શી નિરીક્ષણ કર્યું હતું અને તેને જનસેવા માટે ઉપયોગી ઍટલું નહીં, પણ એક મજબૂત આરોગ્ય વ્યવસ્થાનો આધારભૂત મંચ ગણાવ્યો હતો.
ટીબી, માતા-બાળ આરોગ્ય, PMJAY જેવી મહત્વની સેવાઓનું નિયત અનુસરણ
આ કેન્દ્રમાંથી હાઇ રિસ્ક TB દર્દીઓ, સગર્ભા મહિલાઓ (જેમને હિમોગ્લોબિન ઓછું હોય કે અન્ય આરોગ્ય સમસ્યાઓ હોય), બાળ આરોગ્ય અને રસીકરણ જેવી સેવાઓનું નિયમિત ફોલો-અપ કરાશે. PMJAY યોજના અંતર્ગત દર્દીઓની સાથોસાથ તેમના અભિપ્રાય પણ લેવાશે.
હેલ્થ હેલ્પલાઇન અને ટેકનોલોજી આધારિત સુવિધાઓ
કોલ સેન્ટર પર 100 તાલીમપ્રાપ્ત ટેલિ-કાઉન્સેલર્સ 104 હેલ્પલાઇન મારફતે નાગરિકોને આરોગ્ય સંબંધિત સલાહ, માહિતી અને માર્ગદર્શન આપશે. ઉપરાંત, ટેલિમેડિકલ કન્સલ્ટેશન, ઈ-પ્રિસ્ક્રિપ્શન, લેબ ટેસ્ટ અને ઔષધ સલાહની સુવિધા પણ ઉપલબ્ધ રહેશે.
મુખ્યમંત્રી શ્રી ભૂપેન્દ્રભાઈ પટેલના વરદ્હસ્તે રાજ્યના આરોગ્ય અને પરિવાર કલ્યાણ વિભાગ દ્વારા ગાંધીનગર ખાતે નિર્મિત ‘આરોગ્ય સમીક્ષા કેન્દ્ર’નું આરોગ્ય મંત્રી શ્રી ઋષિકેશભાઈ પટેલ તથા અન્ય મહાનુભાવોની ઉપસ્થિતિમાં લોકાર્પણ કરવામાં આવ્યું હતું.
મુખ્યમંત્રીશ્રીએ રાજ્યના નાગરિકો માટેની… pic.twitter.com/GCMc27wigw
— CMO Gujarat (@CMOGuj) July 1, 2025
વિઝન: “ઘેર બેઠા આરોગ્ય સેવા”
આરોગ્ય સમીક્ષા કેન્દ્રના માધ્યમથી રાજ્ય સરકારનો હેતુ છે કે નાગરિકોને ઘેર બેઠા ટૂંકા સમયમાં અને યોગ્ય માર્ગદર્શનથી આરોગ્યલાભ મળી રહે. આ કેન્દ્ર માત્ર મોનિટરિંગ કે ટેલિ-સલાહ પૂરતું નથી, પણ નીતિ નિર્માણ અને કામગીરી વચ્ચેનો અસરકારક પુલ બનશે.
આશાવાદી દૃષ્ટિકોણ સાથે આગળ વધતું ગુજરાત
આ લોકાર્પણ કાર્યક્રમમાં આરોગ્ય વિભાગના અગ્ર સચિવ ધનંજય દ્વિવેદી સહિત અનેક ઉચ્ચ અધિકારીઓ ઉપસ્થિત રહ્યા હતા. ‘આરોગ્ય સમીક્ષા કેન્દ્ર’ દ્વારા આરોગ્ય સેવાઓને વધુ ઝડપથી, વધુ સુગમ રીતે અને વધુ વ્યાપક રીતે લોકો સુધી પહોંચાડવાનો દ્રષ્ટિકોણ સ્પષ્ટ થયો છે.
