Jasprit Bumrah Dropped: બુમરાહ બહાર, ત્રણ મોટા ફેરફાર સાથે ઉતરશે ટીમ ઈન્ડિયા; જુઓ બંને ટીમોની પ્લેઇંગ ઇલેવન
Jasprit Bumrah Dropped: બર્મિંગહામના એજબેસ્ટન મેદાન પર IND vs ENG વચ્ચે બીજી ટેસ્ટમાં ઇંગ્લેન્ડના કેપ્ટન બેન સ્ટોક્સે ટોસ જીત્યો અને પહેલા બોલિંગ કરવાનો નિર્ણય કર્યો. ભારતીય કેપ્ટન શુભમન ગિલે પણ ટોસ જીતે તો બોલિંગ પસંદ કરતાની વાત કરી હતી, પરંતુ હવે ટીમ ઈન્ડિયા બેટિંગ સાથે શરૂઆત કરશે. ખાસ વાત એ છે કે ભારતે પોતાની પ્લેઇંગ ઇલેવનમાં ત્રણ મોટા ફેરફાર કર્યા છે, જેમાં જસપ્રીત બુમરાહને બહાર રાખવામાં આવ્યો છે.
બુમરાહને આરામ, નવા ચહેરાઓને તક
શ્રેણીની પહેલી ટેસ્ટમાં 5 વિકેટથી હારનો સામનો કર્યા બાદ, ભારતીય ટીમે પડકારપૂર્ણ નિર્ણય લીધો છે. સાઈ સુદર્શન, શાર્દુલ ઠાકુર અને જસપ્રીત બુમરાહને બહાર રાખીને ટીમે નીતિશ કુમાર રેડ્ડી, વોશિંગ્ટન સુંદર અને આકાશદીપને ટીમમાં સામેલ કર્યા છે. ખાસ કરીને આકાશદીપના પસંદગીથી સ્પષ્ટ છે કે ટીમ પેસ ઓપ્શનને વધુ પસંદ કરી રહી છે.
જસપ્રીત બુમરાહના બાંયધરી અભાવના પગલે બોલિંગ আક્રમણમાં મોહમ્મદ સિરાજ અને પ્રસિદ્ધ કૃષ્ણના ભરોસે રહેશે.
ઈંગ્લેન્ડ યથાવત ટીમ સાથે ઉતરશે
ઇંગ્લેન્ડે પ્રથમ ટેસ્ટમાં વિજય મેળવ્યા બાદ પોતાના પ્લેઇંગ ઇલેવનમાં કોઈ ફેરફાર કર્યા નથી. સ્ટોક્સે જૂની જ ટીમ સાથે જાળવવાનો નિણ્ય લ્યો છે, જે ભારત સામે પહેલી ટેસ્ટમાં મજબૂત દેખાઈ હતી.
એજબેસ્ટનમાં ટોસનો મહત્વ
આ મેદાન પર ટોસ હારનાર ટીમ માટે જીતની ટકાવારી 37.50 રહી છે, જ્યારે ટોસ જીતનાર માટે આ આંકડો 35.71 છે. અત્યાર સુધી ભારતે આ મેદાન પર એક પણ ટેસ્ટ જીતી નથી. આવા પરિસ્થિતિમાં ટોસ હારવી ભારત માટે થોડું પડકારરૂપ બની શકે છે.
ભારતની પ્લેઇંગ ઇલેવન:
યશસ્વી જયસ્વાલ, કેએલ રાહુલ, કરુણ નાયર, શુભમન ગિલ (કેપ્ટન), ઋષભ પંત, નીતિશ કુમાર રેડ્ડી, રવીન્દ્ર જાડેજા, વોશિંગ્ટન સુંદર, આકાશદીપ, મોહમ્મદ સિરાજ, પ્રસિદ્ધ કૃષ્ણ
ઇંગ્લેન્ડની પ્લેઇંગ ઇલેવન:
જેક ક્રાઉલી, બેન ડકેટ, ઓલી પોપ, જો રૂટ, હેરી બ્રુક, બેન સ્ટોક્સ (કેપ્ટન), જેમી સ્મિથ, ક્રિસ વોક્સ, બ્રાઈડન કાર્સ, જોશ ટંગ, શોએબ બશીર
