AAP Gujarat 2027 Campaign વિસાવદરની જીત પછી કેજરીવાલનો મેગા પ્લાન
AAP Gujarat 2027 Campaign ગુજરાતની વિસાવદર વિધાનસભા બેઠક પર જીત બાદ આમ આદમી પાર્ટીના રાષ્ટ્રીય સંયોજક અરવિંદ કેજરીવાલે 2027ના વિધાનસભા ચૂંટણીઓ માટે મજબૂત યોજના ઘડી છે. વિસાવદરના વિજયને માત્ર એક બેઠકનો નહીં પણ “પ્રામાણિકતાની જીત” તરીકે ગણાવતા કેજરીવાલે ‘ગુજરાત જોડો સભ્યપદ અભિયાન’ નો આરંભ અમદાવાદમાંથી કર્યો છે. તેમણે રાજ્યના યુવાનોને 9512040404 પર મિસ્ડ કોલ કરીને પાર્ટીમાં જોડાવાનું આહ્વાન કર્યું છે. આ અભિયાનનો હેતુ છે ગુજરાતના લોકોને ભ્રષ્ટાચાર મુક્ત અને વિકાસશીલ શાસન તરફ દોરી જવાનો.
AAP એ ગુજરાતમાં મજબૂત વિકલ્પ બનાવવાનો સંકલ્પ લીધો
કેજરીવાલે જણાવ્યું કે છેલ્લાં 30 વર્ષથી ગુજરાતમાં કોઈ મજબૂત વિકલ્પ ન હોવાના કારણે ભાજપ ઘમંડમાં જીવી રહ્યું છે. હવે AAP એ આ ખાલી જગ્યાને ભરી છે. વિસાવદરની જીત એ તેનું જીવતું સાબિતી છે. 2022ની પેટાચૂંટણીમાં મળેલા મતોથી ત્રિગુણ મતોથી મળેલી આ જીત કહે છે કે હવે ગુજરાત પરિવર્તન ઈચ્છે છે. લોકો ભાજપની ગુંડાગીરી અને વિકાસના ખોખલા વાયદાઓથી તંગ આવી ગયા છે.
ભાજપ અને કોંગ્રેસને એકસાથે ઘેરી લેતી ટકોર
કેજરીવાલે આરોપ મૂક્યો કે ભાજપ અને કોંગ્રેસ બંનેએ મળીને ગુજરાતને પાછળ ધકેલ્યું છે. સુરત જેવા શહેરોમાં પૂરથી ઘરો ડૂબી ગયા છે અને રસ્તાઓ ખરાબ હાલતમાં છે. તેમણે પોતાનો અનુભવ શેર કર્યો કે રાજકોટથી જૂનાગઢ જવામાં તેમને 3.5 કલાક લાગ્યા કારણ કે રસ્તાની હાલત અત્યંત નબળી હતી. તેમણે પૂછ્યું કે ભાજપે છેલ્લા 30 વર્ષમાં શું કર્યો છે? આજે પણ વિકાસ માત્ર જાહેરખબર સુધી સીમિત રહ્યો છે.
2027 માટે લોકશાહી શાસનની આશા
આમ આદમી પાર્ટી હવે ગુજરાત માટે માત્ર વિકલ્પ નહીં પણ લોકશાહી આધારિત શાસન લાવવાનો પ્રયાસ છે. ‘ગુજરાત જોડો’ અભિયાન એક નવી રાજકીય લહેરની શરૂઆત છે. કેજરીવાલના જણાવ્યા મુજબ 2027માં AAP ગુજરાતમાં સરકાર બનાવશે અને ભ્રષ્ટાચાર મુક્ત, જનહિતના વિકાસ પર આધારિત શાસન સ્થાપિત કરશે. આ મુસાફરી હવે એક બેઠકની જીતથી શરૂ થઈ છે, પરંતુ લક્ષ્ય આખું રાજ્ય છે.
