Pat Cummins Catch Video: આવો કેચ દાયકામાં એકવાર જોવા મળે છે
Pat Cummins Catch Video: નેશનલ ક્રિકેટ સ્ટેડિયમમાં પેટ કમિન્સે કેસી કાર્ટીને પકડવાની રીત. તેને જોઈને બધા આશ્ચર્યચકિત થઈ જાય છે
Pat Cummins Catch Video: હાલમાં ઓસ્ટ્રેલિયાની ટીમ વેસ્ટઇન્ડીઝના પ્રવાસે છે, જ્યાં બંને ટીમો વચ્ચે ત્રણ ટેસ્ટ મેચોની શ્રેણી ચાલી રહી છે. ચાલુ શ્રેણીનો બીજો મુકાબલો 3 જુલાઈથી ગ્રેનેડા સ્થિત નેશનલ ક્રિકેટ સ્ટેડિયમમાં રમાઈ રહ્યો છે. અહીં ઓસ્ટ્રેલિયન કેપ્ટન પેટ કમિન્સે એક આશ્ચર્યજનક કેચ લઈ સૌને આશ્ચર્યચકિત કરી દીધા છે.
આ ચમત્કારિક ક્ષણ ઓસ્ટ્રેલિયાની બોલિંગ દરમ્યાન પ્રથમ ઇનિંગના નવમા ઓવર દરમિયાન જોવા મળી હતી. કમિન્સ પોતે બોલિંગ કરી રહ્યા હતા અને સામે વેસ્ટઇન્ડીઝના બેટ્સમેન કિસી કાર્ટી હતા. ઓવરની બીજી બોલ કમિન્સે ઑફ સ્ટંપ તરફથી થોડો અંદર વાળ્યો, જેને કાર્ટી સમજી શક્યા નહીં. તેમણે બોલને ડિફેન્ડ કરવાનો પ્રયાસ કર્યો, પણ બેટના અંદરના ધાર પર લાગી બોલ શોર્ટલેગ તરફ ઉછળી ગઈ. ત્યાં કોઈ ફિલ્ડર હાજર ન હતો.
આવા સમયે કમિન્સે પોતાની બોલિંગ પૂરી કર્યા વગર તરત જ રીએક્શન આપ્યું અને બોલ તરફ દોડ લગાવી. જ્યારે એમને લાગ્યું કે બોલ સુધી પહોંચી નહીં શકે, ત્યારે તેમણે લાંબી છલાંગ મારી અને સ્લાઈડ કરતાં બોલ સુધી પહોંચી ગયા. આ દરમિયાન બોલ સીધો તેમના હાથમાં આવી ગયો – અને તે જોતા જ બધાજ cricket દર્શકો શોક્ડ થઈ ગયા.
માત્ર છ રન બનાવી શક્યા કિસી કાર્ટી
મેચ દરમિયાન વેસ્ટઇન્ડીઝની ટીમ તરફથી કિસી કાર્ટી ત્રીજા ક્રમે બેટિંગ માટે મેદાનમાં ઉતર્યા હતા. પરંતુ તેઓ 12 બોલમાં ફક્ત 50.00ની સ્ટ્રાઈક રેટથી માત્ર છ રન જ બનાવી શક્યા. જ્યારે કાર્ટી આઉટ થયા, ત્યારે ટીમનો સ્કોર 8.2 ઓવર બાદ બે વિકેટના નુકસાન પર 40 રન હતો.
CUMMINS, YOU BEAUTY
Pat Cummins pulls off a diving, one-handed caught & bowled screamer to dismiss Keacy Carty #AUSvWI pic.twitter.com/0JxwJaz16t
— FanCode (@FanCode) July 4, 2025
પેટ કમિન્સે ઝડપી લીધા બે વિકેટ
જ્યારે પેટ કમિન્સના પ્રદર્શનની વાત કરીએ, તો તેમણે પ્રથમ ઇનિંગમાં પોતાની ટીમ તરફથી કુલ 16 ઓવર બોલિંગ કરી. આ દરમિયાન તેઓ 2.90ની ઇકોનોમી રેટ સાથે 46 રન આપતાં બે વિકેટ ઝડપી શક્યા. તેમના શિકારમાં કિસી કાર્ટી ઉપરાંત વિકેટકીપર બેટ્સમેન શાઈ હોપનો સમાવેશ થયો હતો.
