Mutual Funds: હવે બધા મ્યુચ્યુઅલ ફંડ ફક્ત PAN નંબર દ્વારા ટ્રેક કરી શકાય છે.
Mutual Funds: સેબીના નિયમો અને ડિજિટલ ટેકનોલોજીને કારણે, હવે તમારે દરેક ફંડની વેબસાઇટ પર જઈને લોગિન કરવાની જરૂર નથી. હવે તમે તમારા કોન્સોલિડેટેડ એકાઉન્ટ સ્ટેટમેન્ટ (CAS) ને ફક્ત PAN દ્વારા જ જોઈ શકો છો.
Mutual Funds: જો તમે જુદી-જુદી જગ્યાઓ પરથી મ્યુચ્યુઅલ ફંડમાં રોકાણ કર્યું હોય, જેમ કે SIP મારફતે, ટેક્સ સેવિંગ સ્કીમ્સમાં કે લમ્પસમ અમાઉન્ટ દાખલ કરીને, તો એક સમય પછી સમજવું મુશ્કેલ થાય છે કે તમારા બધા પૈસા કયા કયા સ્કીમ્સમાં રોકાયા છે અને તમને કેટલો રિટર્ન મળ્યો છે. આવી સ્થિતિમાં તમારું PAN નંબર સૌથી મોટી મદદરૂપ વસ્તુ બની જાય છે.
PAN નંબર શા માટે તમારી સૌથી મોટી શક્તિ છે?
PAN નંબર માત્ર ટેક્સ ભરવા માટે જ નથી, તે તમારા દરેક મ્યુચ્યુઅલ ફંડના રોકાણને તમારી સાથે જોડે છે. તમે કેટલી રકમ અને કયા ફંડમાં રોકાણ કર્યો હોય, તે બધા રોકાણો એક જ PAN નંબર સાથે જોડાયેલા હોય છે. આથી તમને તમારા તમામ અલગ-અલગ ફોલિયાઓમાં રોકાયેલા પૈસાની સંપૂર્ણ માહિતી એકસાથે મળી શકે છે. જેના કારણે દરેક ફંડની વિગતો એક જ જગ્યાએ જોવા મળી જાય છે અને ટેક્સ કે કેપિટલ ગેઇનની રિપોર્ટિંગ પણ સરળ બને છે.
CAS રિપોર્ટથી મળશે સંપૂર્ણ રોકાણનો વિસ્તાર
SEBI ના નિયમો અને ડિજિટલ ટેકનોલોજીથી હવે તમને દરેક ફંડની વેબસાઇટ પર જવા અને લોગિન કરવાની જરૂર નથી. તમે ફક્ત PAN નંબર દ્વારા પોતાની Consolidated Account Statement (CAS) જોઈ શકો છો. આ એક એવી રિપોર્ટ હોય છે, જેમાં તમારા નામ સાથે જોડાયેલા તમામ મ્યુચ્યુઅલ ફંડ ફોલિયોની માહિતી હોય છે, જેમ કે તમે ક્યારે રોકાણ કર્યું, કયા સ્કીમમાં કર્યું, કેટલા યુનિટ્સ છે, હાલની કિંમત શું છે, SIP ચાલુ છે કે નહીં અને કેટલી રિટર્ન મળી છે.
તમારી CAS રિપોર્ટ કેવી રીતે જુઓ?
આ રિપોર્ટ મેળવવા માટે નીચેના પગલાં અનુસરો:
સૌથી પહેલાં MF Central, CAMS Online, KFintech, NSDL અથવા CDSLની વેબસાઇટ પર જાઓ.
ત્યાંથી ‘Request CAS’ અથવા ‘View Portfolio’ વિકલ્પ પસંદ કરો.
ત્યારબાદ તમારું PAN નંબર, રજિસ્ટર્ડ ઈમેલ અથવા મોબાઈલ નંબર દાખલ કરો અને જો જરૂરી હોય તો જન્મ તારીખ પણ ઉમેરો.
તમારા મોબાઈલ પર OTP આવશે, તેને દાખલ કરો.
હવે તમે તમારી CAS રિપોર્ટ જોઈ શકશો.
તમે પસંદ કરી શકો છો કે રિપોર્ટ એક વખત જોઈવી છે કે દર મહિને ઈમેલથી મળતી રહે, અને તે ઈમેલ દ્વારા માંગશો કે સ્ક્રીન પર જ જોઇશો.
જો કેટલાક રોકાણ દેખાય નહીં તો ચિંતા કરશો નહીં
ક્યારેક એવી સ્થિતિ બની શકે છે કે તમારી CAS રિપોર્ટમાં કેટલાક રોકાણ દેખાતા ન હોય. તેનો અર્થ એ નથી કે તમારા પૈસા ખોવાઈ ગયા છે. શક્ય છે કે તે ફોલિયો કોઈ બીજા PAN નંબર સાથે જોડાયેલો હોય (જેમ કે સહમાલિકનું PAN) અથવા તમારી KYC અધૂરી હોય.
આ સમસ્યાનું ઉકેલ છે કે, તમારું KYC અપડેટ કરાવવું. તમે સરળતાથી CAMS કે KFintech જેવી વેબસાઇટ્સ પર આધીારની મદદથી eKYC પૂર્ણ કરી શકો છો
MITRA: ભૂલાયેલાં રોકાણ શોધવાનો નવો માર્ગ
SEBIએ માર્ચ 2024માં એક નવું પ્લેટફોર્મ લોન્ચ કર્યું છે, MITRA એટલે કે Mutual fund Investment Tracing and Reclaim Application. જો તમને લાગે છે કે તમે અગાઉ કોઈ રોકાણ કર્યું હતું અને હવે ભૂલી ગયા છો, તો MITRA પર જઈને તમારું PAN અને જન્મતારીખ નાખો અને જૂના ફંડ્સને ટ્રેસ કરો.
આ ખાસ કરીને તેમના માટે લાભદાયક છે જેમને રોકાણ વારસામાં મળ્યું હોય, એટલે કે જેમણે 2010થી પહેલા ઓફલાઈન રોકાણ કર્યું હતું અને જેમના ફોલિયો માં ઈમેલ કે મોબાઇલ નંબર રજિસ્ટર્ડ ન હોઈ.
