Places to visit in Gir forest during monsoon: ચોમાસામાં ગીરકાંઠાના પ્રકૃતિપ્રેમી પ્રવાસ માટે આ છે શ્રેષ્ઠ 5 સ્થળો

Places to visit in Gir forest during monsoon: ધારીના ગળધરા ખોડિયાર મંદિર અને આંબરડી સફારી પાર્ક – આસ્થાનું કેન્દ્ર અને વન્યપ્રાણીઓનો નઝારો

Places to visit in Gir forest during monsoon: ચોમાસાની ઋતુમાં ગીરકાંઠો સ્વર્ગ સમાન દેખાય છે. હરિયાળીથી ઢંકાયેલા જંગલ, વહેતાં ઝરણાં અને ધબકતા પાણીના ધોધોમાં કુદરત પોતાની તમામ સૌંદર્ય સાથે ખીલતી હોય છે. અમરેલી જિલ્લાનું ગીરકાંઠા વિસ્તાર એવા પાંચ મુખ્ય સ્થળોથી ભરપુર છે, જ્યાં ચોમાસે ફરવા જવું એક રોમાંચક અનુભવ બની શકે છે.

1. ગળધરા ખોડિયાર મંદિર અને આંબરડી સફારી પાર્ક – ધારી

ધારી તાલુકાની સુંદર ટેકરીઓ વચ્ચે વસેલું ગળધરા ખોડિયાર મંદિર તથા તેની નજીક આવેલું આંબરડી સફારી પાર્ક પ્રવાસીઓ માટે શ્રદ્ધા અને સાહસે ભરેલું સ્થળ છે. અહીં ખોડિયાર ડેમની નજીક ધબકતા વોટરફોલ જોવા મળે છે, જ્યારે સફારી પાર્કમાં સિંહ, હરણ, નિલગાય અને દીપડાની ઝલક મળે છે. અહીં મોટરસાયકલ, રિક્ષા અથવા કારથી સરળતાથી પહોંચી શકાય છે.

2. તુલસીશ્યામ – પૌરાણિક સ્થાન જંગલની વચ્ચેથી

ગિર વન વિસ્તારમાં આવેલું તુલસીશ્યામ મંદિર ન માત્ર ધાર્મિક મહત્વ ધરાવે છે, પણ તેનું કુદરતી સૌંદર્ય પણ માણવા જેવી વસ્તુ છે. ચોમાસામાં અહીંની હરિયાળી અને ગરમ પાણીના કુંડો પ્રવાસીઓને આકર્ષે છે. શનિવાર અને રવિવારે અહીં શ્રદ્ધાળુઓની ભીડ જોવા મળે છે.

3. કનકાઈ અને બાણેજ – જંગલની નમ્ર કળાઓ વચ્ચે મંદિર યાત્રા

કનકાઈ અને બાણેજ માતાજીના મંદિરો એવા ઊંડા જંગલના વિસ્તારમાં આવેલાં છે, જ્યાં પહોંચવા માટે વન વિભાગની પરવાનગી જરૂરી છે. આશરે 15-17 કિલોમીટરના વોકિંગ ટ્રેક દ્વારા આ સ્થાન પર જતાં લોકો નદીકાંઠે બેસીને કુદરતના શાંત દ્રશ્યોનો આનંદ લે છે. શનિ-રવિના દિવસોમાં અહીં પ્રવાસીઓની ખાસ ભીડ જોવા મળે છે.

4. ભુરખિયા હનુમાનજી મંદિર – આધ્યાત્મિકતા અને ઐતિહાસિક વારસો

લાઠી તાલુકાના ભુરખિયા ગામે આવેલા આ મંદિરની ગણના અમરેલી જિલ્લાના પ્રાચીન અને પવિત્ર સ્થાનોમાં થાય છે. આશરે 30 કિમીના અંતરે આવેલું આ મંદિર શ્રદ્ધાળુઓ માટે ઘન વિશ્વાસનું કેન્દ્ર છે. અહીં દરરોજ હજારો લોકો દર્શનાર્થે આવે છે, ખાસ કરીને ચોમાસામાં અહીંનું વાતાવરણ શાંત અને હરિયાળું બની જાય છે.

5. કુદરતી છટાઓથી ભરપૂર ચોમાસાનું વિશેષ સૌંદર્ય

ચોમાસામાં ગીરકાંઠાના વિવિધ પ્રવાસન સ્થળો ખીલેલા ચેકડેમો, વરસાદી ધોધ અને હરિયાળીથી જીવંત બની જાય છે. અહીં ઘણા પ્રવાસીઓ પોતાના ઘરે બનાવેલા ભોજન સાથે પિકનિક મનાવતા જોવા મળે છે. કુદરત સાથે વાતચીત કરવા માંગતા દરેક માટે આ સ્થળો શાંતિ અને આનંદની અનુભૂતિ આપે છે.