Anil Ambani ના લોનમાંથી ‘ફ્રોડ’ ટેગ મુક્ત – બેંકે લીધો આકસ્મિક યૂટર્ન!
Anil Ambani: કેનેરા બેંકે બોમ્બે હાઈકોર્ટને જણાવ્યું હતું કે તેણે અનિલ અંબાણીની રિલાયન્સ કોમ્યુનિકેશન્સ અને તેની પેટાકંપનીના લોન ખાતાઓને ‘છેતરપિંડી’ જાહેર કરવાના નિર્ણયને પાછો ખેંચી લીધો છે. અગાઉ 2017 માં, બેંકે કંપની પર 1,050 કરોડ રૂપિયાની લોનનો દુરુપયોગ કરવાનો આરોપ લગાવ્યો હતો, જેના કારણે ખાતું NPA બન્યું હતું. હવે બેંકે કોર્ટ સમક્ષ તેને ઉલટાવી દીધું છે, પરંતુ તેની પાછળનું કારણ સ્પષ્ટ કરવામાં આવ્યું નથી.
Anil Ambani: કેનરા બેંકે ગુરુવારના રોજ બોમ્બે હાઇકોર્ટમાં મોટું ખુલાસો કરતાં જણાવ્યું કે તેણે ઉદ્યોગપતિ અનિલ અંબાણીના લોન ખાતાને ફ્રોડ જાહેર કરવાનો નિર્ણય પાછો ખેંચી લીધો છે. અનિલ અંબાણી અને કેનરા બેંક વચ્ચે ચાલી રહેલી કાનૂની લડાઈમાં આ એક મહત્વપૂર્ણ વળાંક સાબિત થયો છે.
અનિલ અંબાણીની ટેલિકોમ કંપની રિલાયન્સ કોમ્યુનિકેશન્સ અને તેની એક યુનિટના લોન ખાતાઓને અગાઉ બેંક દ્વારા ફ્રોડ જાહેર કરવામાં આવ્યા હતા, પરંતુ હવે આ નિર્ણય પાછો લઈ લેવાયો છે.
શું હતો સમગ્ર મામલો?
કેનરા બેંકે રિલાયન્સ કમ્યુનિકેશન અને તેની સહાયક કંપનીના લોન ખાતાઓને વર્ષ 2017માં ‘ફ્રોડ’ જાહેર કર્યા હતા. બેંકનો આરોપ હતો કે કંપનીએ ₹1,050 કરોડના લોનનો દુરૂપયોગ કર્યો હતો. આ લોન કંપનીને મૂડી ખર્ચ અને જૂના કર્જોની ચૂકવણી માટે અપાયેલી હતી.
બેંકે પોતાના પત્રમાં જણાવ્યું હતું કે લોન મળ્યા બાદ કંપનીએ શરતોનું ઉલ્લંઘન કર્યું હતું અને 9 માર્ચ, 2017ના રોજ આ ખાતું નોન-પરફોર્મિંગ એસેટ (NPA) બની ગયું હતું.
કેનરા બેંકે 5 નવેમ્બર, 2024ના રોજ રિલાયન્સ કમ્યુનિકેશનને પત્ર લખીને જણાવ્યું હતું કે, લોન અને ક્રેડિટ સુવિધા મળ્યા બાદ આપની કંપની ડિફોલ્ટમાં ગઈ હતી અને કરારની શરતોનું ઉલ્લંઘન કર્યું હતું.
આ પત્ર બાદ મામલો વધુ ગંભીર બની ગયો હતો, કારણ કે “ફ્રોડ” જેવો ટેગ કોઈપણ વેપારી માટે મોટો આર્થિક અને પ્રતિષ્ઠાગત આંચકો બની શકે છે.
