મુંબઈ : બોલિવૂડ સુપરસ્ટાર સલમાન ખાન આજકાલ તેની મોસ્ટવેઇટેડ ફિલ્મ ‘દબંગ 3’ને લઈને વ્યસ્ત છે. તેની ફિલ્મ 20 ડિસેમ્બરે થિયેટરોમાં રિલીઝ થવાની છે. દરમિયાન સલમાનનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં તે બોલિવૂડના ‘બાદશાહ’ શાહરૂખ ખાનના જન્મદિવસની શુભેચ્છા પાઠવતો જોવા મળી રહ્યો છે. તમને જણાવી દઈએ કે, 2 નવેમ્બરના રોજ શાહરૂખ ખાનનો 54મો જન્મદિવસ હતો.
વીડિયો 27 લાખથી વધુ વખત જોવામાં આવ્યો છે
સોશિયલ મીડિયા પર વાયરલ થયેલા સલમાનના આ વીડિયોમાં બોલિવૂડની અનેક હસ્તીઓ જોવા મળી છે, જેમાં સોહેલ ખાન, આયુષ શર્મા, સોનાક્ષી સિંહા અને જેકલીન ફર્નાન્ડિઝના નામનો સમાવેશ છે. વીડિયોમાં આ તમામ સ્ટાર્સ શાહરૂખ ખાનના જન્મદિવસની શુભેચ્છા પાઠવતા જોવા મળી રહ્યા છે. સલમાને અમુક કલાક પહેલા ઇન્સ્ટાગ્રામ પર અપલોડ કરેલો આ વીડિયો અત્યાર સુધીમાં 27 લાખથી વધુ વખત જોવામાં આવ્યો છે. તમને જણાવી દઈએ કે, શાહરૂખ ખાનના ચાહકો આખી દુનિયામાં છે. શાહરૂખને દુનિયાભરમાં લોકો પસંદ કરે છે. આવો, હવે તમે પણ આ વિડિઓ જુઓ-