રાની મુખર્જીએ પૂછ્યું બાળક ક્યારે આવશે? સલમાને આપ્યો આ જવાબ

મુંબઈ : બિગબોસ 13માં વિકેન્ડ કે વાર એપિસોડમાં ભારે ધમાલ જોવા મળી હતી. સલમાન ખાન ગુસ્સાથી કન્ટેસ્ટન્ટને હંફાવતો દેખાયો, જ્યારે રાની મુખર્જીની શોમાં એન્ટ્રી થઇ ત્યારે સ્થિતિ થોડી સામાન્ય થઈ. રાની મુખર્જી બિગ બોસમાં તેની આગામી ફિલ્મ ‘મર્દાની 2’ના પ્રમોશન માટે આવી હતી. આ સમય દરમિયાન સલમાનની સાથે રાનીની મસ્તી દર્શકોને પણ ખૂબ મનોરંજક લાગી.

સલમાન ખાનનું બાળક ક્યારે આવશે?

રાનીએ સલમાન ખાનને શોમાં આવતાની સાથે જ તેના વચનની યાદ અપાવી હતી, જે વચન બિગબોસની સીઝન 11માં સલમાને રાનીને આપ્યું હતું. હકીકતમાં, રાની જ્યારે સીઝન 11 માં આવી ત્યારે તેણે કહ્યું કે, તેને સલમાન ખાનના લગ્નમાં રસ નથી, બલકે તેને સલમાનના બાળકોને જોવાની ઈચ્છા છે. આ પર સલમાને રમૂજી રીતે કહ્યું કે મને પણ મારા લગ્નમાં રસ નથી.

#Mardaani2 se #RaniMukerji aayi #WeekendKaVaar ke stage par!
Dekhiye inka yeh mazedaar game aaj raat 9 baje.

Anytime on @justvoot @Vivo_India @BeingSalmanKhan #BiggBoss13 #BiggBoss #BB13 #SalmanKhan pic.twitter.com/0ibp387R8F

— Bigg Boss (@BiggBoss) December 7, 2019

સલમાનની સીઝન 11 ની યાદ અપાવી રાનીએ મજાકમાં સલમાનને કહ્યું કે, જો તમે મારી વાત સાંભળી હોત, તો હું આજે તમારા નાના બાળકને ખોળામાં લઇને શોમાં આવી હોત.

સલમાને હસીને રાનીને કહ્યું- જુઓ, મારું બાળક 9 મહિનામાં નહીં આવે. રાની પણ આ બાબતે હસી પડે છે, તો પછી કેટલા મહિનામાં આવશે? સલમાન રાનીની આ વાત પર કહે છે, મારું બાળક થોડું વધારે પાકશે. સલમાનની આ વાત પર રાની હસીને કહે છે કે, તે 18 મહિનામાં આવી જશે અને તે પછી બંને જોરથી હસવા લાગ્યા.