નવી દિલ્હી : એચપીએ તેનું કન્વર્ટિબલ લેપટોપ એચપી સ્પેક્ટર x360 13 (HP Spectre x360 13) ભારતમાં લોન્ચ કર્યું છે. આ લેપટોપનું ડિસ્પ્લે OLED છે અને તે 4K છે. આ લેપટોપનું વજન 1.27Kg છે. આ લેપટોપ નાઈટફોલ બ્લેક વેરિઅન્ટમાં લોન્ચ કરવામાં આવ્યું છે. જો કે તેના બેઝ વેરિએન્ટમાં ફુલ એચડી એલઇડી ડિસ્પ્લે મળશે.
ભારતમાં આ લેપટોપ 99,990 રૂપિયાની પ્રારંભિક કિંમત સાથે ઉપલબ્ધ થશે. તે દેશભરમાં એચપી સ્પોર્સથી ખરીદી શકાય છે. આ સિવાય ઇ-કોમર્સ અથવા એચપીના ઓનલાઇન સ્ટોરથી પણ ખરીદી શકો છો.
એચપી સ્પેક્ટર x360 13 માં 10 મી જનરેશનનું ઇન્ટેલ કોર પ્રોસેસર આપવામાં આવ્યું છે. તેને 16 જીબી રેમ સાથે ખરીદી શકાય છે. સ્ટોરેજ વિશે વાત કરતા, તમે તેને 1 ટીબી એસએસડી સ્ટોરેજ સાથે લઈ શકો છો. કંપનીએ દાવો કર્યો છે કે આ લેપટોપની બેટરી લાઇફ 22 કલાક છે.
આ લેપટોપની વિશેષતા એ છે કે તમે તેનો ઉપયોગ ટેબ્લેટની જેમ પણ કરી શકો છો. કનેક્ટિવિટી સુવિધાઓની વાત કરીએ તો તેમાં વાઇફાઇ 6 સહિત એલટીઇ સપોર્ટ આપવામાં આવ્યો છે. તેમાં HDMI 2.0, માઇક્રોએસડી કાર્ડ સ્લોટ અને હેડફોન જેક છે.