SURAT: કબુતરનો માળો સાફ કરતા બારમાં માળેથી નીચે પટકાતા વેપારીનું મોત

અમરોલીમાં ગઈકાલે કબુતરનો માળો સાફ કરતી વખતે બારમા માળેથી નીચે પટકાયેલા યુવાન વેપારીનું મોત નીપજ્યું હતું. સ્મીમેર હોસ્પિટલથી મળેલી વિગત મુજબ અમરોલીના ઉતરાણ ખાતે સિલ્વર કલર બિલ્ડિંગમાં રહેતા 30 વર્ષીય શૈલેષભાઈ વલ્લભભાઈ ખુટ ગઈકાલે સવારે લિફ્ટ પાસે કબુતરનો માળો સહિતનું સાફ કરતા હતા ત્યારે તે અચાનક બારમા માળેથી નીચે પટકાતાં ગંભીર ઈજા થઈ હતી. તેથી તેમને સારવાર માટે તાત્કાલિક ખાનગી હોસ્પિટલમાં દાખલ કર્યા હતા જ્યાં ટૂંકી સારવાર દરમિયાન તેમનું મોત નીપજ્યું હતું. તેમને સંતાનમાં એક પુત્ર અને એક પુત્રી છે. તે કન્ટ્રક્શન અને ટેક્સટાઇલ ધંધા સાથે સંકળાયેલા હતા. આ અંગે અમરોલી પોલીસે તપાસ આદરી છે.