Maharashtra Civic Election: શિવસેનાનું આનંદરાજ આંબેડકર સાથે ગઠબંધન – દલિત મતદારો સુધી પહોંચવાનો પ્રયાસ
Maharashtra Civic Election મહારાષ્ટ્રમાં આગામી નાગરિક ચૂંટણી પૂર્વે શિવસેનાને એક નવો સાથી મળ્યો છે. નાયબ મુખ્યમંત્રી એકનાથ શિંદેની આગેવાની હેઠળની શિવસેનાએ ડૉ. બાબાસાહેબ આંબેડકરના પૌત્ર અને રિપબ્લિકન સેના પ્રમુખ આનંદરાજ આંબેડકર સાથે ગઠબંધન કર્યું છે.
થોડા જ સમયમાં રાજ્યમાં મહાનગરપાલિકા, નગર પંચાયત, નગર પરિષદ અને જિલ્લા પરિષદ જેવી સ્થાનિક સ્વરાજ્ય સંસ્થાઓ માટે ચૂંટણી યોજાવાની છે, જેને ‘મીની વિધાનસભા’ તરીકે પણ ઓળખવામાં આવે છે. શિવસેના અને ભાજપ વચ્ચે આજમાં નંબર વન બનવા માટે સ્પર્ધા ચાલી રહી છે, જેમાં અલગ-અલગ નેતાઓ અને કાર્યકરો સતત પક્ષપલટા કરી રહ્યા છે.
ગઠબંધનની જાહેરાત અને લાભની આશા
મુંબઈમાં યોજાયેલી એક સંયુક્ત પ્રસંગ પર શિંદે જૂથની શિવસેના અને રિપબ્લિકન સેના વચ્ચે ગઠબંધનની જાહેરાત કરવામાં આવી હતી. શિવસેના આ ગઠબંધન હેઠળ કેટલાક વોર્ડ પર રિપબ્લિકન સેના માટે બેઠકો છોડી શકે છે.
बाबासाहेब के दो पोते — प्रकाश अंबेडकर (अध्यक्ष, वंचित बहुजन आघाडी) और भीमराव अंबेडकर (कार्यकारी अध्यक्ष, भारतीय बौद्ध महासभा) — बोधगया गए और बौद्ध भिक्षुओं के #महाबोधि_मुक्ति_आंदोलन में भाग लिया था।
आज बाबासाहब के प्रपौत्र सुजात अम्बेडकर ने बोध गया में #महाबोधि_मुक्ति_आंदोलन… pic.twitter.com/Ybt9UpeKei
— Vanchit Bahujan Aaghadi (@VBAforIndia) July 5, 2025
આનંદરાજ આંબેડકર વિશે થોડી માહિતી
આનંદરાજ આંબેડકર, ડૉ. ભીમરાવ આંબેડકરના પૌત્ર અને પ્રકાશ આંબેડકરના નાના ભાઈ છે. તેઓ સામાજિક કાર્યકર, એન્જિનિયર અને રાજકારણી છે. 1998માં તેમણે રિપબ્લિકન સેના નામની પાર્ટી શરૂ કરી હતી, જે આંબેડકરવાદ અને સામાજિક ન્યાયના સિદ્ધાંતો પર કાર્ય કરે છે. તેઓ 2024ની લોકસભા ચૂંટણીમાં પણ ઉમેદવાર તરીકે ઉભા રહ્યા હતા, પરંતુ વિજયી ન થઈ શક્યા.
દલિત મતદારો શિવસેનાની જીતમાં મદદરૂપ બનશે?
મુંબઈમાં ધારાવી, ચેમ્બુર, ઘાટકોપર, વિક્રોલી, માનખુર્દ, જોગેશ્વરી, મલાડ અને ગોરેગાંવ જેવા વિસ્તારોમાં દલિત મતદારોની મોટી સંખ્યા છે. શિવસેનાને આશા છે કે આ નવા ગઠબંધનથી તેઓ મરાઠી સાથે દલિત મતદારોનો પણ ટેકો મેળવી શકશે.
આ ગઠબંધન શિવસેના માટે રાજકીય રીતે ફાયદાકારક સાબિત થાય છે કે નહીં, તે આગામી ચૂંટણી પરિણામો બાદ સ્પષ્ટ થશે.
