લીડરશિપ કરવી આસાન નથી ઉલટાનુ બહુ મુશ્કેલ કામ છે: આર્મી ચીફે

નાગરિકતા બિલ અંગે દેશભરમાં થયેલા  હિંસક પ્રદર્શનો વચ્ચે આર્મી ચીફ જનરલ બિપિન રાવતે સવાલ ઉઠાવતા કહ્યુ છે કે, યુનિવર્સિટીમાં જે પ્રકારે હિંસા થઈ છે તે લીડરશિપ નથી.નેતૃત્વ કરવુ બહુ મુશ્કેલ કામ છે.હિંસક પ્રદર્શન પર આર્મી ચીફ રાવતે સવાલ ઉઠાવતા દિલ્હીના એક કાર્યક્રમમાં કહ્યુ હતુ કે, લોકો દિલ્હીમાં ઠંડીથી બચવા પ્રયાસ કરી રહ્યા છે જ્યારે સિયાચીનમાં માઈનસ 45 ડિગ્રી સુધી તાપમાનમાં ફરજ બજાવીને મારા જવાનો સરહદની રક્ષા કરી રહ્યા છે.યુનિવર્સિટીમાં થયેલા દેખાવો પર રાવતે કહ્યુ હતુ કે, નેતૃત્વ એ નથી જે લોકોને ખોટી દિશામાં લઈ જાય.આજે મોટી સંખ્યામાં વિદ્યાર્થીઓને હિંસક પ્રદર્શન કરતા જોઈએ છે. આ નેતૃત્વ ક્ષમતા ના કહી શકાય.લીડરશિપ પર બોલતા તેમણે કહ્યુ હતુ કે, લીડરશિપ કરવી આસાન નથી ઉલટાનુ બહુ મુશ્કેલ કામ છે. કારણકે તમે જેટલા આગળ વધતા જાવ છો એટલી જ મોટી સંખ્યામાં લોકો તમને ફોલો કરતા જાય છે. આમ તો આ બહુ સામાન્ય વાત લાગે છે પણ લોકોને ગાઈડ કરવા કપરુ કામ છે. કારણકે તમારી પાછળ બહુ મોટી સંખ્યામાં લોકો તમારા માર્ગદર્શનની રાહ જોઈને ઉભા હોય છે.