Monsoon Update જમ્મુથી કેરળ સુધી ભારે વરસાદનો ખતરો
Monsoon Update દેશમાં ચોમાસુ હવે પૂરજોશમાં પ્રવેશી ચૂક્યું છે. ભારતીય હવામાન વિભાગ (IMD) દ્વારા સતત ભીષણ વરસાદની આગાહી સાથે અનેક રાજ્યો માટે એલર્ટ જાહેર કરવામાં આવ્યો છે. 17 થી 20 જુલાઈ વચ્ચે ઉત્તર અને દક્ષિણ ભારતના અનેક વિસ્તારોમાં ભારે વરસાદ તૂટી પડી શકે છે.
IMD અનુસાર, 17 જુલાઈએ જમ્મુ-કાશ્મીરમાં ભારે વરસાદની શક્યતા છે. તે જ સમયે, પશ્ચિમ ઉત્તર પ્રદેશમાં 16 થી 20 જુલાઈ સુધી સતત વરસાદ પડે તેવી સંભાવના છે. NCR સહિત દિલ્હી શહેરમાં પણ વરસાદની અસર દેખાઈ રહી છે. બુધવારે થયેલા વરસાદ બાદ તાપમાનમાં ઘટાડો નોંધાયો છે, જેનાથી લોકો ગરમીમાંથી તો રાહત અનુભવી રહ્યા છે, પરંતુ રસ્તાઓ પર પાણી ભરાતા ટ્રાફિક જાંમ અને જનજીવન પ્રભાવિત થયું છે.
ઉત્તર ભારતમાં હળવાથી મધ્યમ અને હિમાચલ પ્રદેશમાં ભારે વરસાદની આગાહી છે. ખાસ કરીને હિમાચલ પ્રદેશના ચંબા, કાંગડા, કુલ્લુ અને મંડી જિલ્લાઓ માટે પીળો એલર્ટ જાહેર કરવામાં આવ્યો છે. અહીંના પહાડી વિસ્તારોમાં ભૂસખલન અને પાણી ભરાવાના કેસ વધી શકે છે.
રાજસ્થાનમાં પણ ભારે વરસાદનું જોખમ છે.
જોધપુર, બિકાનેર અને અજમેર વિભાગના અનેક વિસ્તારોમાં ભારે વરસાદ તથા કેટલાક ભાગોમાં અતિભારે વરસાદની આગાહી છે. પાણીની સમસ્યા વેઠતા વિસ્તારમાં આ વરસાદ રાહત રૂપ બની શકે છે, પરંતુ પૂર અને પશુધનના નુકસાનની ચિંતા યથાવત છે.
દક્ષિણ ભારતમાં કેરળને લઈને પણ સ્થિતિ ગંભીર છે.
16 જુલાઈના રોજ થયેલા વરસાદ બાદ નદીઓમાં જળસ્તર વધી ગયું છે. પરિણામે, એર્નાકુલમ, ઇડુક્કી, ત્રિશૂર, કન્નુર અને કાસરગોડ જિલ્લામાં ઓરેન્જ એલર્ટ જાહેર કરવામાં આવ્યું છે. રાજ્યના બાકીના 9 જિલ્લાઓ માટે યલો એલર્ટ જાહેર કરવામાં આવ્યું છે.
હવામાન વિભાગ મુજબ પશ્ચિમી વિક્ષેપો અને આડસરબંધ સિસ્ટમના કારણે આગામી દિવસોમાં બિહાર, પૂર્વી યુ.પી. અને ઝારખંડમાં પણ વરસાદ ચાલુ રહેશે. લોકો માટે સલામતીના પગલા તરીકે ઘરના બહાર ઓછું જવા, પાણી ભરેલા વિસ્તારોથી દૂર રહેવા અને હવામાન અપડેટ પર નજર રાખવાની સલાહ આપવામાં આવી છે.
