કેન્દ્ર સરકારે સુપ્રીમ કોર્ટમાં અપીલ કરી છે કે, મોતની સજા પામેલા દોષિતોને સાત દિવસમાં જ ફાંસીની સજા થવી જોઈએ. જેને લઈ ગૃહ મંત્રાલયે સુપ્રીમ કોર્ટમાં અરજી દાખલ કરી છે. 2012માં નિર્ભયા કેસમાં દોષિતોએ કરેલી ફેરવિચારણા અરજી, સુધારાત્મક અરજી અને દયા અરજી દાખલ કરવાના કારણે વિલંબ હોવાની વાત કેન્દ્ર સરકારે સુપ્રીમ કોર્ટમાં કરી છે.ગૃહ મંત્રાલયે આ અરજીમાં કોર્ટમાં અનુરોધ કર્યો છે કે, મોતની સજા પામેલા દોષિતોની ફેરવિચારણા અરજી રદ થયા બાદ સુધારાત્મક અરજી દાખલ કરવાની સમયસીમાં નક્કી કરવામાં આવે. સરકારે એ આદેશ આપવાની વાત પણ કરી છે કે, મોતની સજા પામેલા દોષિતની દયા અરજી દાખલ કરવા માગે છે તો ફાંસી આપવા સંબંધિત કોર્ટનું વોરંટ મળ્યાની તારીખના સાત દિવસમાં આ અરજી દાખલ કરવાનું ફરજિયાત કરવામાં આવે.ગૃહ મંત્રાલયે સુપ્રીમ કોર્ટમાં કહ્યું છે કે, તમામ કોર્ટ, રાજ્ય સરકારો અને જેલ અધિકારીઓ માટે આ ફરજિયાત કરવું જોઈએ કે, દોષિતોની દયા અરજી અસ્વિકાર થયા બાદ સાત દિવસમાં જ તેને ફાંસીએ લટકાવવામાં આવે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.