સૂર્યમંડળ બહાર શોધાયેલા તમામ ગ્રહો કરતાં સૌથી વધુ ગરમ ગ્રહ શોધાયો

આપણા સૂર્યમંડળ બહાર શોધાયેલા તમામ ગ્રહો કરતાં સૌથી વધુ ગરમ ગ્રહ શોધાયો છે.કેઇએલટી-૯બી સંજ્ઞાા ધરાવતા આ ગ્રહની સપાટીનું તાપમાન ૪,૩૦૦ ડિગ્રી સેલ્સિયસ(૭,૮૦૦ ફેરનહીટ) જેટલું ઉકળતું છે.આશ્ચર્યની બાબત તો એ છે કે આ નવો અને અતિ હોટ ગ્રહ તેના પિતૃ તારાની પ્રદક્ષિણા ફક્ત દોઢ દિવસમાં પૂરી કરી દે છે.અમેરિકાની અંતરીક્ષ સંશોધન સંસ્થા નાસા દ્વારા તરતા મૂકાયેલા સ્પિત્ઝર સ્પેસ ટેલિસ્કોપ દ્વારા શોધાયેલો કેઇએલટી-૯બી ગ્રહ પૃથ્વીથી ૬૭૦  પ્રકાશવર્ષ જેટલો અતિ અતિ દૂર છે. આમ તો નાસાના ખગોળશાસ્ત્રીઓએ આ અતિ ઉકળતો ગ્રહ ૨૦૧૭માં શોધ્યો હતો પણ તેના વિશે ગહન સંશોધન કરવામાં વધુ સમય થયો હતો.હવેનાસાના આ વિશિષ્ટ સંશોધનની રસપ્રદ વિગતો૭,જાન્યુઆરી-૨૦૨૦ના રોજ એસ્ટ્રોફિઝિકલ જર્નલ લેટર્સ મેગેઝીનમાં પ્રસિદ્ધ થઇ છે.કદમાં આપણા ગુરુ કરતાં પણ લગભગ ત્રણ ગણા વધુ મોટા આ નવા ગ્રહ પર અસહ્ય ગરમી હોવાથી અને તે ફક્ત દોઢ દિવસમાં તેના પિતૃ તારાની એક પ્રદક્ષિણા પૂરી કરતો હોવાથી તેનું વાતાવરણ સતત પીગળી રહ્યું હોય તેવું લાગે છે એવું અનુમાન વિજ્ઞાનીઓ કરી રહ્યા છે.વિજ્ઞાનીઓના કહેવા મુજબ કેઇએલટી-૯બી ગ્રહનું આટલું ઉકળતું તાપમાન તો અંતરીક્ષના ઘણા તારાના તાપમાન કરતાં પણ વધુ છે.