દેશની સૌથી મોટી પ્રાઈવેટ બેંક ICICI બેંકે ‘આઈબોક્સ’ નામથી સેલ્ફ-સર્વિસ ડિલિવરી સુવિધા શરૂ કરી છે. ‘આઇબોક્સ’ હવે ગ્રાહકોને 24 કલાક અને સપ્તાહના સાતેય દિવસ બેંકિંગ સેવાઓ પ્રદાન કરશે. બેંકે આ સર્વિસ દેશના 17 શહેરો અને 50 બ્રાંચમાં શરૂ કરી છે. આઈબોક્સ ટર્મિનલ્સ બેંકની બ્રાંચના પરિસરની બહાર લગાવવામાં આવ્યા છે, જેથી બેંક બંધ થયા બાદ પણ તેને ઉપયોગ કરી શકાય. સુવિધા તે લોકો માટે વધુ ફાયદાકારક રહેશે કે જેઓ બેંકમાંથી આવતા દસ્તાવેજો લેવા માટે તેમના ઘરે હાજર નથી હોતા. તેવા ગ્રાહકો રજાના દિવસે પણ પોતાના રજિસ્ટર્ડ મોબાઈલથી એક્સેસ કરી શકે છે. આ પ્રોસેસ સંપૂર્ણ રીતે ઓટોમેટિક છે અને ગ્રાહકોને તેમના પેકેટ વિશે ડિસ્પેચથી લઈને ડિલિવરી સુધી સંપૂર્ણ જાણકારી આપવામાં આવશે. બેંકના જણાવ્યા પ્રમાણે, દિલ્હી-એનસીઆર, મુંબઈ, ચેન્નઈ, કલકત્તા, બેગ્લુરુ, હૈદરાબાદ, પુણે, નવી મુંબઈ, સુરત, જયપુર, ઈન્દોર, ભોપાલ, લખનઉ, નાગપુર, અમૃતસર, લુધિયાણા અને પંચકુલામાં આ આઈબોક્સ લગાવવામાં આવ્યા છે.
1: હવે તમારું પેકેજ આઈબોક્સ ટર્મિનલમાં પહોંચે છે, ત્યારે તમને એક એસએમએસ નોટિફિકેશન મોકલવામાં આવશે, જેમાં આઈબોક્સનો GPS લોકેશન, એક OTP (વન ટાઈન પાસવર્ડ) તથા એક ક્યૂઆર કોડ હોય છે.
2: ત્યારબાદ કસ્ટમર આઈબોક્સની પાસે જઈને તેમાં પોતાનો રજિસ્ટર્ડ મોબાઈલ નંબર અને OTP અથવા ક્યૂઆર કોડ દાખલ કરશે, ત્યારબાદ બોક્સ ઓપન થઈ જાય છે અને ગ્રાહક પોતાનું પેકેજ લઈ શકે છે.
3: આઈબોક્સમાં ગ્રાહકનું ડેબિટ કાર્ડ, ક્રેડિટ કાર્ડ, ચેક બુક અથવા રિટર્ન ચેક 7 દિવસ સુધી રહે છે, જે દરમિયાન ગ્રાહક તેને લઈ શકે છે.
