લોકો મારી પત્નીના સ્ટેચ્યૂનો વિરોધ કરે છે, પણ હું મારા જીવવના અંત સુધી તેની સાથે રહીશ: વિયેતનામના રહેવાસી લી વાન

વિયેતનામના રહેવાસી લી વાનનો તેમની પત્ની પ્રત્યેનો પ્રેમ તેનાં મૃત્યુ પછી પણ ઓછો થયો નથી. 17 વર્ષ પછી પણ તે પોતાની મૃત પત્નીના અવશેષો સાથે રહે છે. તેણે આ અવશેષોને સાચવવા માટે પ્લાસ્ટરનું એક સ્ટેચ્યૂ બનાવ્યું છે. લી આ સ્ટેચ્યૂને જ પોતાની પત્ની માને છે. તે રોજ તેની સાથે જ સૂવે છે. લીએ પત્નીના અવશેષને તેની કબર દફનાવ્યાં બાદ કાઢ્યા હતા. લીનું કહેવું છે કે, લોકો મારી પત્નીના સ્ટેચ્યૂનો વિરોધ કરે છે, પણ હું મારા જીવવના અંત સુધી તેની સાથે રહીશ. લી છેલ્લા 2 વર્ષથી વ્હીલ-ચેર પર છે. લી રોજ આ સ્ટેચ્યૂના કપડાં બદલે છે અને મેકઅપ પણ કરે છે. લીએ કહ્યું કે, જ્યારે મારી પત્ની જીવતી હતી ત્યારે તેણે સારા કપડાં પહેર્યા નહોતાં, આથી જ હવે હું તેને સુંદર કપડાં પહેરાવું છું. દિવસમાં બે વખત તેના કપડાં બદલું છું. હું જાણું છું કે લોકો મને પાગલ કહે છે, કે હું એક મૃત શરીરનું ધ્યાન રાખું છું પણ મને વિશ્વાસ છે કે, મારી પત્ની મારી સાથે જ છે. હવે તેના અવશેષો પણ મારી કબર સાથે જ દફન થશે. લીના લગ્ન વર્ષ 1975માં થયા હતા. 28 વર્ષનાં સુખી લગ્નજીવન બાદ તેની પત્ની વર્ષ 2003માં દુનિયાને અલવિદા કહીને ચાલી ગઈ. જે સમયે લીની પત્નીનું મૃત્યુ થયું ત્યારે લી અન્ય શહેરમાં કામ કરતો હતો, પત્નીની અંતિમવિધિમાં સામેલ થઈ શક્યો નહોતો. ત્યારબાદ લી મોટાભાગનો સમય તેની પત્નીની કબર સાથે વિતાવવા લાગ્યો. રોજ કબ્રસ્તાન પર જવા પર તેના સંતાનો બોલ્યા આથી તે પત્નીના અવશેષો ઘરે લઈ આવ્યો. લીના મૃત પત્ની પ્રત્યેના વર્ણ પર તેના પડોશીઓએ પોલીસ ફરિયાદ પણ કરી હતી. પણ લીના પત્નીપ્રેમ સામે પોલીસ પણ લાચાર બની ગઈ.