નવી દિલ્હી : બાઇક ટેક્સી બુકિંગ એપ રેપિડો (Rapido)એ જાહેરાત કરી હતી કે કંપની 8 ફેબ્રુઆરીએ દિલ્હી વિધાનસભાની ચૂંટણીને ધ્યાનમાં રાખીને તમામ મતદારોને મફત સવારી આપશે. આ ફ્રી રાઇડ કંપની ઘરથી 3 kmના ત્રિજ્યા સુધી આવતા મતદાન મથકોની સુધી પ્રોવાઈડ કરશે. આપને જણાવી દઈએ કે દિલ્હી વિધાનસભાની ચૂંટણીમાં શનિવારે (08 ફેબ્રુઆરી) તમામ 70 બેઠકો પર મતદાન થવાનું છે. 11 ફેબ્રુઆરીએ આ ચૂંટણીના પરિણામો પણ જાહેર કરવામાં આવશે.
કંપનીએ દાવો કર્યો છે કે, તે દિલ્હીમાં ક્યાંય પણ મતદાન મથકો માટે 3 કિમી સુધીની તમામ સવારીઓની 100 ટકા સવારી ફી માફ કરશે.
એક નિવેદનમાં રેપીડોના સહ-સ્થાપક અરવિંદ સાનકાએ કહ્યું કે, આપણે ચૂંટણીઓને આપણા લોકશાહી અને બંધારણના મહત્વપૂર્ણ ભાગ રૂપે જોતા હોઈએ છીએ અને સમાજ માટે પોતાનો ફાળો આપવા માંગીએ છીએ. મતદાનના દિવસે, મતદાન મથક સુધી પહોંચવા માટે પરિવહનના સાધન ન મળતા અવરોધને દૂર કરવા માટે, અમે દિલ્હીના મતદારોને રેપિડો એપ પર 100% છૂટ આપીશું.