ટેક જાયન્ટ એપલનો અપકમિંગ આઈફોન ‘આઈફોન SE2’ તેનાં લોન્ચિંગ પહેલાં જ ચર્ચામાં છે. લોન્ચિંગ પહેલાં જ ફોનની તસવીરો અને સ્પેસિફિકેશન લીક થઈ ચૂક્યા છે. તેવામાં તેનાં લોન્ચિંગ વિશે જર્મન ટેક વેબસાઈટ ‘આઈફોનટીકર’ પર માહિતી આપવામાં આવી છે. આ વેબસાઈટ અનુસાર એપલની અપકમિંગ પ્રોડક્ટ ‘આઈફોન 9’ અથવા ‘આઈફોન SE2’ 3 એપ્રિલે લોન્ચ થશે. ‘આઈફોનટીકર’ અનુસાર એપલ કંપની 31 માર્ચે એક ઇવેન્ટનું પણ આયોજન કરશે. આ ઇવેન્ટમાં કંપની iOS નવી અપડેટ પણ લોન્ચ કરી શકે છે. એપલ એનાલિસ્ટ મિંગ-ચી-કુઓના એક રિપોર્ટ મુજબ ‘આઈફોન SE 2’નાં 5.5 ઇંચ અને 6.1 ઇંચનાં વેરિઅન્ટ લોન્ચ કરવામાં આવશે.આ રિપોર્ટ મુજબ ‘આઈફોન SE 2’ને ‘આઈફોન 8’નાં કેટલાક ફીચર સાથે લોન્ચ કરવામાં આવશે. તેમાં 1 ટચ ID હોમ બટન અને 3GB રેમ સાથે ફાસ્ટ A13 પ્રોસેસર આપવામાં આવી શકે છે. આ ફોનનાં મધરબોર્ડમાં 10 લેયર સબસ્ટ્રેટ જેવાં PCB (પ્રિન્ટ સર્કિટ બોર્ડ)નો ઉપયોગ કરવામાં આવશે. આ પ્રકારની ટેક્નોલોજીનો ઉપયોગ આઈફોન 11 સિરીઝનાં સ્માર્ટફોનમાં થયો છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.