કોરોના વાઈરસથી છૂટકારો મેળવવા આપણા દેશમાં લોકો રોજ નતનવા જુગાડ શોધી લાવે છે. દિલ્હી અને કોલકાતામાં લોકો કોરોના વાઈરસ બચવા માટે ગૌમૂત્ર પી રહ્યા છે. કોલકાતામાં સોમવારે ગૌમૂત્ર પીવાની ઈવેન્ટનું આયોજન કરવામાં આવ્યું હતું. આયોજકોએ કહ્યું કે, અમને વિશ્વાસ છે કે, ગૌમૂત્ર જેવી તાકાતવર દવા આ દુનિયામાં કોઈ નથી તેનાથી લોકોને કોરોના વાઈરસ સામે લડવાની તાકાત મળશે. રાજ્યના સંસદીય મંત્રી પાર્થ ચેટર્જીએ જણાવ્યું કે, આ સંપૂણપણે વિજ્ઞાનની વિરુદ્ધ છે. આખી દુનિયાના વૈજ્ઞાનિકો હાલ કોરોના વાઈરસ સામે લડવા માટે દવા શોધી રહ્યા છે અને આપણે ગૌમૂત્રના અખતરા કરીએ છીએ, તે સાચેમાં શરમજનક વાત છે. હું લોકોને અપીલ કરું કે મહેરબાની કરીને આવા ટ્રેપમાં ફસાશો નહીં તો બીજી તરફ દિલ્હીમાં પણ અખિલ ભારત હિન્દુ મહાસભાના અધ્યક્ષ સ્વામી ચક્રપણીએ ગૌમૂત્ર પાર્ટીનું આયોજન કર્યું હતું. તેમણે દાવો કર્યો હતો કે, ગૌમૂત્ર પીવાથી કોરોના વાઈરસ કોઈનું કઇ બગાડી નહીં શકે. ઉલ્લેખનીય છે કે, દેશમાં આ પ્રકારની અફવાઓ ફેલાયા બાદ ગૌમૂત્ર અને ગાયનાં છાણની ડિમાન્ડ વધી ગઈ છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.