ચોખાના રસગુલ્લા: 10 મિનિટમાં કૂકરમાં બનાવો, નોંધી લો આ સરળ રેસિપી
રસગુલ્લાનું નામ સાંભળતા જ દરેકના મોઢામાં પાણી આવી જાય છે. મોટા હોય કે બાળકો, દરેકને તેની મીઠાશ ખૂબ ગમે છે. બજારમાંથી તો લોકો ઘણીવાર રસગુલ્લા ખરીદીને ખાય છે, પરંતુ જો તમે ઇચ્છો તો તેને ઘરે પણ ખૂબ સરળતાથી બનાવી શકો છો. ખાસ વાત એ છે કે આ રેસીપીમાં ન તો માવો જોઈશે અને ન તો પનીર કે છેના. માત્ર ચોખાના લોટમાંથી બનેલા આ રસગુલ્લા ખાવામાં એટલા જ સોફ્ટ અને સ્પોન્જી હશે જેટલા બજારવાળા હોય છે.
રસગુલ્લા બનાવવા માટે જરૂરી સામગ્રી
- દૂધ – 1 કપ
- ચોખાનો લોટ – 1 કપ
- દેશી ઘી – 2 ચમચી
- ખાંડ – 1/4 ચમચી (લોટ માટે)
- ચાસણી માટે – 1 કપ ખાંડ અને 1.5 કપ પાણી
બનાવવાની રીત
પહેલું સ્ટેપ – ચાસણી તૈયાર કરો
સૌથી પહેલા કુકરમાં 1 કપ ખાંડ અને દોઢ કપ પાણી નાખીને ચાસણી બનાવો. આંચ ધીમી રાખો અને માત્ર એટલું જ પકાવો કે ખાંડ પૂરી રીતે ઓગળી જાય. જાડી ચાસણીની જરૂર નથી.
બીજું સ્ટેપ – લોટ તૈયાર કરો
હવે એક પેનમાં 1 કપ દૂધ ગરમ કરો. તેમાં 1/4 ચમચી ખાંડ અને 1 ચમચી ઘી નાખો. દૂધ ગરમ થાય કે તરત જ, તેમાં ધીમે ધીમે ચોખાનો લોટ નાખીને સતત હલાવતા રહીને મિશ્રણ તૈયાર કરો. તે જાડું થઈને લોટ જેવું બની જશે. ગેસ બંધ કરી દો અને તેને ઠંડુ થવા દો.
ત્રીજું સ્ટેપ – બોલ્સ બનાવો
ઠંડુ થઈ ગયા પછી મિશ્રણને પ્લેટમાં કાઢીને હથેળીઓથી સારી રીતે મસળો. તેમાં બાકી રહેલું 1 ચમચી ઘી પણ નાખીને મુલાયમ લોટ બનાવી લો. હવે તેમાંથી નાના-નાના ગોળા તૈયાર કરો. ધ્યાન રાખો કે ગોળા મુલાયમ હોય અને તેમાં તિરાડ ન હોય.
ચોથું સ્ટેપ – કુકરમાં પકાવો
જો ચાસણી ઠંડી થઈ ગઈ હોય તો તેને ફરીથી ગરમ કરી લો. જ્યારે ચાસણી ઉકળવા લાગે ત્યારે તેમાં તૈયાર કરેલા ગોળા નાખો અને કુકર બંધ કરી દો. ધીમી આંચ પર માત્ર 2–3 મિનિટ પકાવો. કુકરમાં એક સીટી વાગે કે તરત જ ગેસ બંધ કરી દો.
પાંચમું સ્ટેપ – ઠંડા કરીને સર્વ કરો
રસગુલ્લાને ચાસણીમાં લગભગ 15 મિનિટ સુધી રહેવા દો જેથી તે અંદરથી પણ મીઠા અને નરમ થઈ જાય. તે પછી તેને ઠંડા થવા દો અને પછી ફ્રીજમાં રાખીને સર્વ કરો.
ખાસ ટિપ્સ
- રસગુલ્લા બનાવતી વખતે ગોળા મુલાયમ અને તિરાડ વગરના હોવા જોઈએ, નહીંતર તે પાકતી વખતે તૂટી શકે છે.
- કુકરમાં વધારે સમય સુધી ન પકાવો, નહીંતર રસગુલ્લા સખત થઈ જશે.
તમે ઇચ્છો તો કુકર ઢાંક્યા વગર પણ તેને ચાસણીમાં પકાવી શકો છો, પરંતુ તેમાં થોડો વધુ સમય લાગશે.
