Aadhaar Cardમાં એડ્રેસ બદલવાની સ્ટેપ-બાય-સ્ટેપ પ્રોસેસ

ઘર બદલ્યું હોય તો ચિંતા નહીં! Aadhaar Cardમાં એડ્રેસ અપડેટ કરો ઑનલાઈન

આજના સમયમાં આધાર કાર્ડ (Aadhaar Card) આપણી ઓળખ માટે સૌથી જરૂરી દસ્તાવેજોમાંથી એક છે. બેંક ખાતાથી લઈને સરકારી યોજનાઓ સુધી દરેક જગ્યાએ તેની જરૂર પડે છે. તેથી, જો તમારું સરનામું (Address) બદલાઈ ગયું હોય, તો તેને આધાર કાર્ડમાં અપડેટ કરવું ખૂબ જ જરૂરી છે.

સારી વાત એ છે કે હવે UIDAI (Unique Identification Authority of India) એ એડ્રેસ અપડેટ કરવાની પ્રક્રિયા સંપૂર્ણપણે ઑનલાઈન અને ખૂબ જ સરળ બનાવી દીધી છે. તમે ઘરે બેઠા થોડી જ મિનિટોમાં તમારું નવું સરનામું અપડેટ કરી શકો છો.

 આધાર કાર્ડમાં સરનામું ઑનલાઈન અપડેટ કરવાની સરળ રીત

તમે નીચે આપેલા આ સરળ સ્ટેપ્સને અનુસરીને તમારું એડ્રેસ જાતે અપડેટ કરી શકો છો:

તમારા Google Chromeની સ્પીડ મિનિટોમાં વધારવા માટે 5 સરળ ઉપાયો

X પર પોસ્ટ કરો વાયરલ, મળશે ખાસ ઇનામ! એલન મસ્કનું નવું ફીચર

1. વેબસાઇટ પર જાઓ: સૌથી પહેલાં UIDAI ની ઓફિશિયલ વેબસાઇટ https://myaadhaar.uidai.gov.in પર જાઓ.
2. લોગિન કરો:
   • અહીં ‘Login’ વિકલ્પ પર ક્લિક કરો.
   • તમારો 12-અંકનો આધાર નંબર અને આધાર સાથે લિંક મોબાઇલ નંબર દાખલ કરો.
   • તમારા રજિસ્ટર્ડ મોબાઇલ નંબર પર OTP આવશે.
   • OTP દાખલ કરતાની સાથે જ તમારું ડેશબોર્ડ ખૂલી જશે.
3. એડ્રેસ અપડેટની પસંદગી: ડેશબોર્ડમાં ‘Update Aadhaar Online’ અથવા ‘Update Address’ પર ક્લિક કરો.
4. નવું સરનામું દાખલ કરો:
   • હવે તમે તમારું નવું સરનામું (જેમ કે ઘર નંબર, ગલી, વિસ્તાર, શહેર, જિલ્લો અને પિનકોડ) દાખલ કરો.
   • ત્યારબાદ એડ્રેસ પ્રૂફ માટે દસ્તાવેજ અપલોડ કરો. (જેમ કે વીજળી/પાણી/ગેસ બિલ, બેંક પાસબુક, ભાડા કરાર, પાસપોર્ટ, વોટર આઈડી કાર્ડ, વગેરે).
5. સબમિટ કરો: બધી વિગતો ધ્યાનથી ચકાસીને ‘Submit’ પર ક્લિક કરો.
6. URN મેળવો: સબમિશન પછી તમને એક Update Request Number (URN) મળશે, જેનો ઉપયોગ તમે અપડેટ સ્ટેટસ ટ્રેક કરવા માટે કરી શકો છો.

નોંધ: તમારું આધાર કાર્ડ સામાન્ય રીતે 30 થી 90 દિવસોની અંદર અપડેટ થઈ જશે.

અપડેટ સ્ટેટસ કેવી રીતે ટ્રૅક કરવું?

UIDAI અનુસાર, એડ્રેસ અપડેટ થવામાં 30 થી 90 દિવસનો સમય લાગી શકે છે. તમે UIDAI ની વેબસાઇટ પર જઈને ‘Check Aadhaar Update Status’ સેક્શનમાં તમારા URN નંબર દ્વારા સ્ટેટસ જોઈ શકો છો.

જો 90 દિવસ સુધી અપડેટ ન થાય તો શું કરવું?

જો 90 દિવસ સુધી તમારા આધારમાં નવું સરનામું અપડેટ ન થાય, તો તમે UIDAI ની હેલ્પલાઇન નંબર 1947 પર કૉલ કરીને અથવા [email protected] પર ઈમેલ મોકલીને માહિતી મેળવી શકો છો.

એડ્રેસ અપડેટ કરતી વખતે ધ્યાનમાં રાખવા જેવી બાબતો

• તમારો મોબાઇલ નંબર આધાર સાથે લિંક હોવો જોઈએ.
• એડ્રેસ પ્રૂફ માટે માત્ર તે જ દસ્તાવેજો આપો, જે UIDAI ની સત્તાવાર યાદીમાં શામેલ છે.
• આધાર અપડેટ કરવા માટે ફક્ત ઓફિશિયલ UIDAI વેબસાઇટ (myaadhaar.uidai.gov.in) નો જ ઉપયોગ કરો.