બજાર ઘટ્યું પણ અદાણી ગ્રીનના શેર ચમક્યા, જાણો કેમ
અદાણી ગ્રુપની નવીનીકરણીય ઉર્જા કંપની – અદાણી ગ્રીન એનર્જી લિમિટેડ (AGEL) એ નાણાકીય વર્ષ 2025-26 ના પ્રથમ ત્રિમાસિક ગાળા માટે મજબૂત પરિણામો જાહેર કર્યા છે. કંપનીનો ચોખ્ખો નફો 31% વધીને ₹824 કરોડ થયો છે, જે ગયા વર્ષના સમાન ત્રિમાસિક ગાળામાં ₹629 કરોડ હતો.
આવકમાં પણ વધારો થયો
એપ્રિલ-જૂન 2025 ત્રિમાસિક ગાળામાં AGEL ની કુલ આવક ₹4,002 કરોડ રહી, જે ગયા વર્ષના સમાન ગાળામાં ₹3,112 કરોડ હતી.
ખર્ચ વધ્યો પરંતુ નફો અને કામગીરી મજબૂત રહી
કંપનીનો કુલ ખર્ચ ₹3,050 કરોડ થયો, જે ગયા વર્ષના ₹2,437 કરોડ હતો. તેમ છતાં, કંપનીએ કાર્યકારી સ્તરે સારું પ્રદર્શન કર્યું:
EBITDA માં રેકોર્ડ વૃદ્ધિ
રોકડ પ્રવાહ મજબૂત રાખ્યો
CEO આશિષ ખન્નાના જણાવ્યા અનુસાર, “અમે છેલ્લા ત્રિમાસિક ગાળામાં 1.6 GW નવી ક્ષમતા ઉમેરી છે, જેના કારણે કાર્યકારી કાર્યક્ષમતા અને EBITDA માર્જિનમાં મોટો સુધારો થયો છે.”
વીજ વેચાણમાં 42%નો ઉછાળો
જૂન ક્વાર્ટરમાં અદાણી ગ્રીનનું વીજ વેચાણ 42% વધીને 1,047.9 કરોડ યુનિટ થયું, જે ભારતમાં નવીનીકરણીય ઉર્જા ક્ષેત્ર માટે એક મોટો સંકેત છે.
શેરબજારમાં જોવા મળેલા પરિણામોની અસર
સોમવારે શેરબજારમાં ભારે અસ્થિરતા છતાં, AGEL ના શેર ₹28.60 (2.93%) વધીને ₹1,004.55 પર બંધ થયા.
ઇન્ટ્રાડે હાઇ: ₹1,013.65
ઇન્ટ્રાડે લો: ₹979.35
52-અઠવાડિયાનું હાઇ: ₹2,091.85
52-અઠવાડિયાનું ન્યૂનતમ: ₹758.00
માર્કેટ કેપ: ₹1,59,123.98 કરોડ (BSE ડેટા)
