Biochar Centre of Excellence Launched in Hyderabad: ગ્રામિણ વિકાસ માટે હૈદરાબાદમાં બાયોચાર સેન્ટર ઓફ એક્સેલન્સનું ઉદ્ઘાટન
Biochar Centre of Excellence Launched in Hyderabad: ૫ મે ૨૦૨૫ના રોજ હૈદરાબાદની બહાર આવેલા કાન્હા શાંતિ વનમ ખાતે કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ બાયોચાર સેન્ટર ઓફ એક્સેલન્સનું ઉદ્ઘાટન કર્યું હતું. આ કેન્દ્ર હાર્ટફુલનેસ ઇન્સ્ટિટ્યૂટ અને પેપાલની ભાગીદારીમાં શરૂ કરવામાં આવ્યું છે. કાર્યક્રમમાં હાર્ટફુલનેસ ઇન્સ્ટિટ્યૂટના સ્થાપક અને માર્ગદર્શક કમલેશ પટેલ (દાજી) તથા પેપાલના વરિષ્ઠ ડિરેક્ટર નાથ પરમેશ્વરન હાજર રહ્યા હતા.
આ કેન્દ્રનો મુખ્ય હેતુ ગામડાઓમાં યુવાઓ અને મહિલાઓને બાયોચારને આધારે ઉદ્યોગસાહસિક બનવા માટે તાલીમ આપવાનો છે. તેમની કૌશલ્યક્ષમતા વિકસાવવા તેમજ બાયોચારના ઉત્પાદનથી ખેતીમાં સુધારો લાવવા માટે આ સેન્ટર વ્યાપક માર્ગદર્શન આપે છે.
મંત્રી નીતિન ગડકરીએ જણાવ્યું કે, “ગ્રામીણ ઉદ્યોગસાહસિકો અને ખેડૂતો એ ભારતના વિકાસના મુખ્યસ્તંભ છે. આ પ્રકારની પહેલ તેમને આધુનિક કૃષિ જ્ઞાન સાથે સજ્જ કરી આત્મનિર્ભર બનાવશે.” તેમણે વધુમાં ઉમેર્યું કે, “અમે ખેડૂતને વધુ આવક, સારી ઉપજ અને ટકાઉ ખેતી માટે ટેકો આપવા ઈચ્છીએ છીએ.”
દાજીએ જણાવ્યું કે, “માટીનું સ્વાસ્થ્ય જાળવીને ખેતીમાં બાયોચારની ભૂમિકા મહત્વપૂર્ણ છે. અમે દેશના દરેક ગામમાં બાયોચાર યુનિટ સ્થાપિત કરવાનો દ્રઢ નિશ્ચય રાખીએ છીએ.”
પેપાલના નાથ પરમેશ્વરને કહ્યું કે, “આ પહેલ વડા પ્રધાન મોદીના સ્કિલ ઇન્ડિયા અભિયાન સાથે સુસંગત છે. અમારી સહભાગીતાથી ગ્રામિણ ઉદ્યોગસાહસિકોને કૌશલ્ય અને આવકની નવી તકો મળશે.”
આ અનોખી પહેલ માત્ર કૃષિ ક્ષેત્રમાં ટેકનિકલ સુધારાને પ્રોત્સાહન આપશે નહીં, પરંતુ પર્યાવરણના રક્ષણ અને ગ્રામિણ વિકાસ માટે પણ એક મજબૂત આધારરૂપ બનશે.
