Grow fennel plant at home: ઘરે વરિયાળી ઉગાડવાની સરળ અને અસરકારક રીત અને ખાસ ધ્યાનમાં લેવાની બાબતો
Grow fennel plant at home: વરિયાળી એક એવી સુગંધિત અને ઉપયોગી વસ્તું છે કે જે માત્ર મસાલા તરીકે નહીં, પણ માઉથ ફ્રેશનર અને ઔષધીય ગુણધર્મો માટે પણ જાણીતી છે. તેને ચાવવાથી પાચનતંત્ર મજબૂત બને છે અને ગેસ તથા એસિડિટીની સમસ્યા પણ દૂર થાય છે. જો તમે આ ઔષધીય વનસ્પતિને ઘરે જ ઉગાડવા માંગો છો તો એ માટે થોડા સરળ પગલાં અને જરૂરી બાબતોનું ધ્યાન રાખવું પડશે. અહીં અમે તમને ઘરમાં કુંડામાં વરિયાળી ઉગાડવાની સંપૂર્ણ રીત જણાવી રહ્યા છીએ.
વરિયાળી ઉગાડતી વખતે ખાસ ધ્યાનમાં લેવાની બાબતો
- ખાવા માટેના સૂકા બીજોના બદલે ઉગાડવા માટે પ્રમાણિત બાગાયત બીજો જ વાપરો.
- ઓછામાં ઓછું 12 ઇંચ ઊંડું અને 12-14 ઇંચ પહોળું વાસણ પસંદ કરો.
- રેતાળ-લોમ અને સારી નિતારવાળી ફળદ્રુપ જમીનનો ઉપયોગ કરો.
- માટીમાં એક ભાગ રેતી, બે ભાગ બાગાઈતી માટી અને એક ભાગ ગાયનું છાણ ખાતર મિક્સ કરો.
બીજ વાવવાની રીત
- વરિયાળીના છોડને રોજે રોજ ઓછામાં ઓછા 5-6 કલાક સીધો સૂર્યપ્રકાશ મળવો જરૂરી છે.
- વાસણમાં તૈયાર માટી ભરી તેની સપાટી સમતળ કરો.
- પછી વરિયાળીના બીજ 1 થી 1.5 સેમી ઊંડે અને 2 ઇંચના અંતરે વાવો.
- હળવાં પાણીથી છાંટકાવ કરો અને વાસણને સૂર્યપ્રકાશવાળી જગ્યાએ રાખો.
પાણી કેવી રીતે આપવું
- દરરોજ થોડું પાણી આપો, પણ ધ્યાન રાખો કે પાણી વાસણમાં ભેગું ન થાય.
- માટી ભેજવાળી હોવી જોઈએ, પણ ભીની ન રહેવી જોઈએ.
- 7 થી 14 દિવસમાં બીજ અંકુરિત થવા લાગે છે.
- જ્યારે છોડ 3-4 ઇંચ ઊંચા થાય, ત્યારે નબળા છોડ દૂર કરો અને ફક્ત તંદુરસ્ત છોડ જ છોડી દો.
ખાતર અને જંતુનાશકનો ઉપયોગ
- સમયાંતરે ગાયનું છાણ ખાતર અથવા વર્મીકમ્પોસ્ટ ઉમેરો.
- જો છોડમાં જંતુ દેખાય તો લીમડાનું તેલ છાંટો.
- છોડ 3-4 ઇંચ જેટલો થવાથી 20-25 દિવસના અંતરે કાર્બનિક ખાતર આપવું જરૂરી છે.
ક્યારે મળશે ફૂલ અને ફળ
વરિયાળીના છોડને સંપૂર્ણ રીતે તૈયાર થવામાં આશરે 180 થી 216 દિવસનો સમય લાગે છે, જ્યારે કેટલીક જાતો માત્ર 150 દિવસમાં જ તૈયાર થઈ જાય છે. ફૂલો પીળા રંગના અને છત્રી જેવા આકારમાં આવે છે જે દેખાવમાં ખૂબ આકર્ષક હોય છે.
ઘરે વરિયાળી ઉગાડવી સરળ છે અને એથી તાજી અને શુદ્ધ વરિયાળી હંમેશા ઘરે ઉપલબ્ધ રહે છે. અહીં આપેલી રીતો અનુસરીને તમે પણ આરોગ્યપ્રદ અને ફળદાયી વરિયાળાનું વાવેતર શરૂ કરી શકો છો.
