25 લાખ રૂપિયાનું વળતર પીડિત પરિવારને પહોંચાડાયું
ખાનગી વિમાન કંપની એર ઇન્ડિયાએ શનિવારે જણાવ્યું હતું કે ગયા મહિને અમદાવાદ વિમાન દુર્ઘટનામાં 166 પીડિતોના પરિવારોને વચગાળાનું વળતર ચૂકવ્યું છે. આ ઉપરાંત, ૫૨ અન્ય પીડિતોના પરિવારોને ચુકવણીની પ્રક્રિયા ચાલુ છે. દાયકાઓમાં ભારતમાં થયેલા સૌથી ખરાબ હવાઈ અકસ્માતોમાંના એક, વિમાન દુર્ઘટનામાં એર ઇન્ડિયા ફ્લાઇટ નંબર AI171 તરીકે સંચાલિત બોઇંગ 787-8 ડ્રીમલાઇનરનો સમાવેશ થતો હતો.
એરલાઇન્સે એક નિવેદનમાં જણાવ્યું કે વિમાનમાં સવાર 242 લોકોમાંથી 241 લોકોના મોત થયા હતા, જ્યારે જમીન પરના મૃતકો સહિત કુલ 260 લોકોના મોત થયા હતા. 14 જૂનના રોજ એર ઇન્ડિયાએ જાહેરાત કરી હતી કે તે અમદાવાદ વિમાન દુર્ઘટનામાં માર્યા ગયેલા અને બચી ગયેલા દરેકના પરિવારને 25 લાખ રૂપિયા અથવા લગભગ GBP 21,500નું વચગાળાનું વળતર આપશે જેથી તાત્કાલિક નાણાકીય જરૂરિયાતો પૂરી કરી શકાય. “એર ઇન્ડિયાએ 229 મૃતકોમાંથી 147 મુસાફરો અને અકસ્માત સ્થળે જીવ ગુમાવનારા 19 લોકોના પરિવારોને વચગાળાનું વળતર જાહેર કર્યું છે.
આ ઉપરાંત 52 અન્ય લોકોના જરૂરી દસ્તાવેજોની ચકાસણી કરવામાં આવી છે અને પરિવારોને ધીમે ધીમે વચગાળાનું વળતર આપવામાં આવશે. ટાટા ગ્રુપ એરલાઈને સ્પષ્ટતા કરી છે કે વચગાળાની ચુકવણી કોઈપણ અંતિમ વળતર સામે ગોઠવવામાં આવશે. ટાટા ગ્રુપે અકસ્માત પીડિતોને સમર્પિત ‘AI-171 મેમોરિયલ એન્ડ વેલ્ફેર ટ્રસ્ટ’ પણ નોંધાવ્યું છે. રિલીઝ અનુસાર, તેણે અકસ્માતમાં નુકસાન પામેલા બીજે મેડિકલ કોલેજ હોસ્ટેલના માળખાના પુનર્નિર્માણને ટેકો આપવાનું વચન આપ્યું છે.
