ટેલિકોમ માર્કેટમાં ગરમાવો: એરટેલના પોસ્ટપેડ પ્લાન્સ થયા મોંઘા, જાણો નવા દર
ટેલિકોમ સેક્ટરમાંથી એક મોટા સમાચાર સામે આવ્યા છે. ભારતી એરટેલે તેના પોસ્ટપેડ પ્લાનના ભાવમાં પ્રતિ મહિના 50 રૂપિયાનો વધારો કરી દીધો છે. આ વધારા બાદ વિવિધ પ્લાન્સના ટેરિફમાં આશરે 3 ટકાથી 11 ટકા સુધીનો ઉછાળો આવ્યો છે. મોતીલાલ ઓસવાલ આ નવા પ્લાન્સ સાથે કંપનીએ ગ્રાહકો માટે દર વર્ષે એક ઇન્ટરનેશનલ ટ્રીપ પર ફ્રી રોમિંગની સુવિધા પણ જોડી છે.
એરટેલના પોસ્ટપેડ પ્લાન્સમાં કેટલો થયો વધારો?
નવા દરો લાગુ થયા પછી, એરટેલના વ્યક્તિગત (ઇન્ડિવિઝ્યુઅલ) પોસ્ટપેડ પ્લાનની કિંમત હવે 449 રૂપિયાથી વધીને 499 રૂપિયા પ્રતિ માસ થઈ ગઈ છે. આ જ રીતે બે સભ્યો માટેનો ફેમિલી પ્લાન 699 રૂપિયાથી વધીને 749 રૂપિયા પર પહોંચ્યો છે. ત્રણ સભ્યોના પરિવાર માટેનો પ્લાન 999 રૂપિયાથી વધીને 1,049 રૂપિયા થયો છે. ચાર સભ્યોના પ્લાન 1,199 રૂપિયાથી 1,249 રૂપિયા અને 1,399 રૂપિયાથી 1,449 રૂપિયા કરવામાં આવ્યા છે. પાંચ સભ્યોનો ફેમિલી પ્લાન અગાઉના 1,749 રૂપિયા સામે હવે 1,750 કે 1,799 રૂપિયા આસપાસ ઉપલબ્ધ બન્યો છે.
આ ફ્રી ઇન્ટરનેશનલ રોમિંગ ઓફર વોડાફોન આઈડિયા (Vi) દ્વારા તાજેતરમાં રજૂ કરાયેલી સમાન ઓફર સાથે મેળ ખાય છે. રિપોર્ટ મુજબ, સામાન્ય સંજોગોમાં ઇન્ટરનેશનલ રોમિંગ પેક્સ 999 રૂપિયાથી શરૂ થાય છે, તેથી આ નવો ફાયદો ગ્રાહકો માટે આકર્ષક સાબિત થઈ શકે છે.
પોસ્ટપેડ યૂઝર્સ અને એઆરપીયુ (ARPU) ની સ્થિતિ
જૂન 2026 સુધીના ડેટા મુજબ, ભારતી એરટેલના કુલ સબ્સ્ક્રાઇબર બેઝમાં પોસ્ટપેડ યૂઝર્સનો હિસ્સો આશરે 8 ટકા જેટલો છે. આ સેગમેન્ટમાં લગભગ 3 કરોડ પેઇંગ સબ્સ્ક્રાઇબર્સ છે. રિપોર્ટ જણાવે છે કે આ સેગમેન્ટમાંથી કંપનીને અંદાજે 3,500 કરોડ રૂપિયાની આવક થાય છે, જે કંપનીની કુલ વાયરલેસ આવકના લગભગ 12 ટકા જેટલી છે.
પોસ્ટપેડ સેગમેન્ટમાં એવરેજ રેવેન્યુ પર યૂઝર (ARPU) આશરે 395 રૂપિયા પ્રતિ માસ છે, જ્યારે કંપનીનો એકંદરે ARPU 264 રૂપિયા છે. છેલ્લા કેટલાક ક્વાર્ટરથી પોસ્ટપેડ યૂઝર્સની સંખ્યા વાર્ષિક 12 થી 13 ટકાના દરે વધી રહી છે, જ્યારે પ્રીપેડ સબ્સ્ક્રાઇબર્સની વૃદ્ધિ દર વાર્ષિક આશરે 3 ટકા આસપાસ રહ્યો છે. આ ઉપરાંત, પોસ્ટપેડ ગ્રાહકો લાંબા સમય સુધી કંપની સાથે જોડાયેલા રહે છે અને તેમને ડેટા યુઝ, કન્ટેન્ટ બંડલ્સ તથા ફેમિલી પ્લાન્સમાં વધુ રાહતો મળે છે.
એઆરપીયુ પર ટેરિફ હાઇકનો પ્રભાવ
મોતીલાલ ઓસવાલના અંદાજ મુજબ, કિંમતોમાં થયેલા આ વધારાથી કંપનીના બ્્લેન્ડેડ ARPU માં લગભગ 1 ટકાનો વધારો થઈ શકે છે. જોકે, ફ્રી ઇન્ટરનેશનલ રોમિંગની સુવિધા આપવાને કારણે આ ફાયદાનો થોડો ભાગ ઓછો થઈ જશે. બ્રોકરેજે અગાઉથી જ ડિસેમ્બર 2026માં પોસ્ટપેડ પ્લાનમાં 50 રૂપિયાના વધારાની ધારણા બાંધી હતી અને પ્રીપેડ સ્માર્ટફોન ટેરિફમાં પણ 15 ટકાના વધારાનું આયોજન કર્યું હતું. આ કારણોસર પોસ્ટપેડના ભાવમાં અગાઉ થયેલા ફેરફારથી કંપનીના નજીકના ગાળાના અંદાજોમાં કોઈ મોટો ફેરફાર થયો નથી.
આ વધારાથી એરટેલને વોઈસ-ઓનલી પેક્સ (જેની વેલિડિટી 28 થી 30 દિવસની હોય છે) ના કારણે ARPU માં થતા સંભવિત ઘટાડાને સરભર કરવામાં મદદ મળી શકે છે.
અગાઉના ટેરિફ સાયકલનો ઇતિહાસ
બ્રોકરેજે અગાઉના ટેરિફ વલણો તરફ ધ્યાન દોરતા જણાવ્યું કે, વર્ષ 2019 અને 2021 માં પોસ્ટપેડ પ્લાનમાં ફેરફારો પ્રીપેડ કિંમતો વધારાના છ થી નવ મહિના અગાઉ કરવામાં આવ્યા હતા. મે 2019માં એરટેલે તેનો એન્ટ્રી-લેવલ 299 રૂપિયાનો પોસ્ટપેડ પ્લાન બંધ કર્યો હતો અને તે વર્ષે નવેમ્બર-ડિસેમ્બરમાં પ્રીપેડ ભાવ વધારવામાં આવ્યા હતા. એ જ રીતે જુલાઈ 2021માં ફેમિલી પોસ્ટપેડ પ્લાન્સ બદલાયા અને એડ-ઓન સિમ કાર્ડની કિંમત વધારાઈ હતી, ત્યારબાદ પણ નવેમ્બર-ડિસેમ્બરમાં પ્રીપેડ મોંઘા થયા હતા.
રિપોર્ટમાં કહેવાયું છે કે એરટેલ અગાઉ પોસ્ટપેડ સેગમેન્ટનો ઉપયોગ એક પ્રયોગશાળા તરીકે કરતું આવ્યું છે. આ સેગમેન્ટમાં એરટેલનું વર્ચસ્વ છે અને રિલાયન્સ જિયોની આ સેગમેન્ટમાં મોટી ઉપસ્થિતિ નથી. આનાથી કંપનીને પ્રીપેડ ભાવોને સ્પર્શતા પહેલા ગ્રાહકો અને સ્પર્ધકોની પ્રતિક્રિયા જાણવાની તક મળી રહે છે. જોકે, 2024ની સાયકલ આનાથી અલગ હતી, કારણ કે જેમાં જિયોની આગેવાની હેઠળ પ્રીપેડ અને પોસ્ટપેડ બંનેના ભાવ એકસાથે વધારવામાં આવ્યા હતા.
પ્રીપેડ ટેરિફ વધારાનું ભવિષ્ય
મોતીલાલ ઓસવાલનું માનવું છે કે આગામી છ મહિનાની અંદર પ્રીપેડ પ્લાનના ભાવ પણ વધી શકે છે અને ટૂંક સમયમાં જ સમગ્ર ઉદ્યોગમાં ટેરિફમાં વધારો જોવા મળી શકે છે. કંપનીએ તાજેતરમાં જ પોતાનો 299 રૂપિયાનો એન્ટ્રી-લેવલ પ્રીપેડ ડેટા પ્લાન હટાવી દીધો છે. પોસ્ટપેડના ભાવ વધારા સાથે આ પગલું પણ એરટેલને તેના હરીફોની સરખામણીમાં ARPU વૃદ્ધિની રેસમાં આગળ રાખવામાં મદદરૂપ સાબિત થશે.
