Ajab Gajab: અરે! વિચિત્ર નિર્ણયથી લોકો હેરાન, કિમ જોંગે આ પ્રખ્યાત વાનગી પર મૂક્યો પ્રતિબંધ
Ajab Gajab : ઉત્તર કોરિયાના સરમુખત્યાર કિમ જોંગ ઉન તેમના અનોખા અને કડક નિર્ણયો માટે જાણીતાં છે. 2011માં તેમના પિતાના અવસાન બાદ દેશની કમાન સંભાળનાર કિમ જોંગ ઉન સતત નીતિગત નિર્ણયો લેતા રહે છે. તાજેતરમાં, તેમણે એક એવો આદેશ જાહેર કર્યો છે કે જેનાથી સમગ્ર વિશ્વ ચકિત થઈ ગયું છે. આ આદેશ અનુસાર, ઉત્તર કોરિયામાં હોટ ડોગ્સ પર સંપૂર્ણ પ્રતિબંધ મૂકવામાં આવ્યો છે.
હોટ ડોગ પર કડક પ્રતિબંધ
હવે ઉત્તર કોરિયામાં ન તો હોટ ડોગ વેચી શકાય છે અને ન તો તે કોઈ ખાઈ શકે છે. જો આ નિયમનું ઉલ્લંઘન થાય, તો દોષિત વ્યક્તિને મજૂરી છાવણીમાં મોકલવામાં આવે છે. આ નિર્ણય કિમ જોંગ ઉનના શાસન હેઠળ નીતિગત કડકાઈના ઉદાહરણરૂપ છે.
પરંતુ હોટ ડોગ પર પ્રતિબંધ કેમ?
ઉત્તર કોરિયામાં હોટ ડોગ ખાવાની પરંપરા 1950ના દાયકાથી ચાલી આવી છે અને 2017 સુધી આ વાનગી લોકપ્રિય રહી હતી. પરંતુ તાજેતરમાં, કિમ જોંગ ઉનના લશ્કરી અધિકારીએ આ વાનગીને “મૂડીવાદી સંસ્કૃતિ”નું પ્રતીક ગણાવ્યું. આ નિર્ધાર પછી, કિમ જોંગ ઉને આ વાનગી પર સંપૂર્ણ પ્રતિબંધ મૂકી દીધો છે.
આ નિર્ણય એકદમ અચાનક છે અને ઉત્તર કોરિયાની સ્થાનિક અને આંતરરાષ્ટ્રીય સ્તરે ચર્ચાનું કારણ બન્યો છે.
