Dead Rat Revenge Shocks Judge: ભૂતપૂર્વ પ્રેમ માટે પાગલ છોકરીએ 4 કલાક ગાડી ચલાવી, લેટર બોક્સમાં મરેલો ઉંદર નાખ્યો – કારણ સાંભળી જજ પણ હેરાન!
Dead Rat Revenge Shocks Judge: પ્રેમનો અર્થ એ નથી કે તમે કોઈને જોરથી પોતાના બનાવો અથવા કાબૂમાં રાખો. સાચા પ્રેમમાં એકબીજાના નિર્ણયોનું સન્માન કરવું પડે છે, ખાસ કરીને જ્યારે રસ્તાઓ અલગ પડે. પરંતુ કેટલાક લોકો આ હકીકતને સ્વીકારી શકતા નથી. તાજેતરમાં બ્રિટનમાં એવી જ એક ઘટના સામે આવી છે, જ્યાં પ્રેમમાં નિષ્ફળ ગયેલી યુવતી પોતાનું સંતુલન ગુમાવી બેસી.
એલેનોર હેપબર્ન(Eleanor Hepburn) નામની 22 વર્ષીય યુવતીનું 2023માં પોતાની ગર્લફ્રેન્ડ સાથે બ્રેકઅપ થયું હતું. પરંતુ બ્રેકઅપ પછી પણ એલેનોર પાછળ પડી રહી. તે સતત મેસેજ, કોલ અને ઈમેઇલ દ્વારા સંપર્ક કરવાનો પ્રયત્ન કરતી રહી. ઓગસ્ટ 2024થી એલેનોરના વર્તનમાં તીવ્રતા આવી ગઈ અને તે સતત તેની પૂર્વ સાથીની અંબાવમાં દહેશત ફેલાવવા લાગી.
એલેનોરે પોર્ટ્સમાઉથથી વોરિંગ્ટન સુધી 370 કિલોમીટર સુધી 4 કલાકનું અંતર કાપીને, રાતે તેની ભૂતપૂર્વ ગર્લફ્રેન્ડના ઘરે પહોંચી. ત્યાં પહોંચ્યા પછી તેણે ઘરના લેટર બોક્સમાં મરેલો ઉંદર નાખ્યો. આ એક વખત નહીં, પરંતુ વારંવાર થતા આ બનાવો હવે ડરનો વિષય બની ગયો હતો. 2024માં તેની પૂર્વ સાથીએ ઘરના બહાર અને અંદર અનેક મરેલા ઉંદરો મળ્યા હોવાની જાણ પોલીસને કરી.
જ્યારે કેસ કોર્ટ સુધી પહોંચ્યો, ત્યારે એલેનોરે પોતાનો ગુનો સ્વીકારી લીધો. તેણીએ કોર્ટમાં કહ્યું કે તે આ સંબંધમાં ખૂબ જ સંવેદનશીલ હતી અને બ્રેકઅપ પછી પોતાને કાબૂમાં રાખી શકી નહીં. એલેનોરના વકીલે કોર્ટને આશ્વાસન આપ્યું કે તેણીને પોતાનું વર્તન હવે શરમજનક લાગે છે અને તે ભૂતપૂર્વ ગર્લફ્રેન્ડને થયેલા દુઃખ માટે ખેદ વ્યક્ત કરે છે.
કોર્ટએ આરોપી એલેનોરને 2 વર્ષની જેલસજા ફટકારી છે. આ કેસ એક સ્પષ્ટ સંદેશ આપે છે કે પ્રેમમાં નિષ્ફળતા દુઃખદ હોઈ શકે, પરંતુ તેનું નિવારણ ધમકી કે બદલો નથી. સંબંધ તૂટે ત્યારે શાંતિથી વિદાય લેવો જોઈએ — નહિ કે બીજાના જીવનમાં ભય ઉભો કરવો.
